Әбілқайыр хан даңғылы (Ақтөбе)

Әбілқайыр хан даңғылы - Ақтөбе қаласының бас көшелерінің бірі. Бұрынғы Ленин даңғылы. 18 ғасырда кіші жүздің , әскери қолбасшы, көрнекті мемлекет қайраткері Әбілқайырдың құрметіне аталған. Даңғылды Киселев, Скулкин, Мәметова, Ғ. Жұбанова, Оспанов көшелері, Абай, Ә. Молдағұлова даңғылдары қиып өтеді. Бұл даңғылда облыс әкімшілігінің ғимараты, "Каз телеком" кеңсесі, Орталық саябақ, Ақтөбе орталық мешіті, "Нұрдаулет" сауда орталығы, "Ақтөбе" қонақ үйі, оқушылар Сарайы, "Қоныс" спорт сарайы, "Жұлдыз" кинотеатры, орталық стадион, "Мәдениет" сауда үйі, басқа да әсем ғимараттар орналасқан. Қазіргі заманғы үлгіде салынған көп қатарлы тұрғын үйлер, ғимараттар көріктілігімен көз тартады. Даңғылда халық ақыны Н.Байғаниннің, Кеңес Одағының батыры ВИ.Пацаевтың қоладан құйылған ескерткіштері орнатылған. . Гүлзарда ағаштардың бірнеше түрі өсіп тұр, гүл алаңдары бар, екі субұрқақ жұмыс істейді, қала халқы серуендейтін, демалатын орындар көп. Әбілқайыр хан даңғылы облыс орталығының ең әсем, ең сәулетті, түзу көшесі саналады.

Әбілқайыр хан ескерткіші өңдеу

Әбілқайыр хан ескерткіші Облыс әкімшгілігінің үйі алдында 2000 жылы орнатылған. Тұғырдың биіктігі- 2,8 м, ені- 2,1м, ұзындығы-55,8 м. Ескерткіштің жалпы биіктігі-6,5 м, тұғырға дейін жерден биіктігі - 3 м, жерден жалпы биіктігі- 12,3 м. Тұғырдың материалы - Қордай граниті. Ескерткіш қоладын құйылған. Салмағы - 11,2т. Авторы Ескен Сергебаев - ҚР еңбек сіңірген қайраткері. Сәулетшілері- Б. Егінбаев, н. Қожағұлов

Дереккөздер өңдеу

  • "Ақтөбе" энциклопедиясы-2001жыл