Әділ Бестібаев

Әділ Бестібаев (15 тамыз 1959; Алматы) — сазгер, «Тәуелсіздік толғауы» байқауындағы «Ең үздік балеттік шығармалар» аталымында «Жерұйық» балетімен І жүлдеге ие болған, Қазақстан Композиторлар одағының және Канада музыка орталығының мүшесі. Тоталитаризмнің солақай саясатын "Ашубасар" күйімен әшкерелеп, Желтоқсан оқиғасына қатысқандардың намысын жыртқан жан.

Әділ Бестібаев
Туған күні	15 тамыз 1959 (1959-08-15) (65 жас)
Туған жері	Алматы, Қазақ КСР, КСРО
Қайтыс болған күні
Мемлекет	КСРО  Қазақстан  Канада
Мамандықтары	композитор
Жанрлары	симфония, симфониялық музыка, үрлемелі аспаптар оркестріне арналған музыка, оркестрге арналған концерт, камералық оркестрге арналған музыка, ән, филім музыкасы, камералық аспаптық музыка, брасс-квинтеті, ағаш үрмелі аспаптарға арналған квинтет және т.б.

Өмірбаяны

1977 жылы Ә. Жұбанов ат. орта арнаулы музыка мектебінде «музыка теориясы» мамандығымен (1977) бітірді. 1977-1982 жылдары КСРО халық әртісі, композитор Ғ. А. Жұбанова жанындағы Алматы консерваториясында композицияны оқыды, 1989 жылы Ресейдің халық әртісі, профессор Н. Н. Сидельников жанындағы Мәскеу консерваториясында сынау мерзімінен өтті.

1982-1997 - Алматы консерваториясының доценті.

2006 жылдан бастап Канадада (Ванкувер) тұрады. Канадалық музыка орталығы («Canadian Music Centre») Халықаралық композиторлар қауымдастығының мүшесі, Канада.

Шығармашылық қабілеттерін бағалау

Композитордың «Сұрапыл Сұржекей», «Қазақ тарихы» филімдеріне арнаған музыкалары ұлттық нақышымен ерекшеленсе, 1993 жылы Аустрияда жарық көрген "Азия дауысы" (Voice of Asia) атты дискісі айрықша атап өтуді талап етеді. Аталмыш диск қазақ баласын әлемдік аренаға алып шығып, дүниежүзінің «мен» деген композиторларының ондығына енгізді. Қазір Әділдің үрмелі аспаптарға жазған шығармалары Германия, Аустрия, Франция, АҚШ, Швейцария, Испания, Голландия, Ресей, Швеция, Таиланд сынды мемлекеттердің үлкен сахналарында орындалып жүр.

Ол үрлемелі аспаптар оркестріне арналған бірқатар жұмыстар жазды, олар Аустрияда басылды (Johann Kliment KG). «Азия дауысы» (Voice of Asia), «Сoncert on the monogramm B.Es.T», «Great Moghul», «Idee Fixe» симфониясы, «Ниагара» флейта, ұрмалы және ішекті оркестріне арналған музыка, Жаяу Мұса «Ақ сиса» қиял-ғажайып шығармалар, қазақтың халық әні «Қамажай» тақырыбындағы фортепианоға арналған вариациялар және т.б.

Соңғы ірі жұмыстар - «Бәйтерек» балеті (премьерасы - желтоқсан 2010 ж., Астана), «Тәңірі құрбаны» симфониясы (Алматы, Астана, 2009 ж.).

Сілтеме

• Абай Құнанбаев «Көзімнің қарасы» (өңдеген Ә. Бестібаев)
• Ә. Бестібаев "Азия дауысы"
• Ә. Бестібаев "Тәңірі құрбаны"
• Ә. Бестібаев "Ниагара"
• Ә. Бестібаев "Скерцо"
• Фотосурет және өмірбаяны
• Курпякова Н. Ежелгі сөзден әуен туады (ru) // Казахстанская правда. — 22 қараша 2011. — № 371–372 (26762–26763).(қолжетпейтін сілтеме)
• Алла Иванилова «Бәйтерек» балеті жайлы
• Кузбакова Г. Қазақстан композиторлары: болмыс шындығы (ru) // Континент. — 18 қыркүйек–1 қазан 2002. — № 18(80).