Әкімшілік-шаруашылық шығыны
Әкімшілік-шаруашылық шығыны — бюджеттік мекемелердің басқару, шаруашылық, есеп жүргізуші қызметкерлерге және көмекші жұмысшыларға, командировкаға, транспорт, мекеме үйін (жалдау, жөндеу, жылыту, жарық беру т.б.) пайдалануға, кеңсеге, шаруашылыққа қажетті құрал-жабдықтар алуға және оларды жөндеуге, арнаулы әдебиеттер, газет-журналдар жазып алуға, кеңсе, почта-телеграф, телефон шығындарына т.б. әкімшілік-шаруашылық қажетке жұмсауға бөлген қаржысы.
Мүмкіндіктері өңдеу
Әкімшілік-шаруашылық шығыны құрылымына қарай әкімшілік-басқару шығындарымен бір тектес келеді. Әкімшілік-басқару шығыны-басқару аппаратына және оған қызмет көрсетуге жұмсалатын шығындар. Өнеркәсіпте әкімшілік-басқару шығынына министрліктер аппараттарына, олардың салалық басқармаларына, трестерге, комбинаттарға, завод басқармасына, ал құрылыста министрліктіктердің, жергілікті совет аткомдарының құрылыс жөніндегі өндірістік бас басқармаларына және бастауыш құрылыс ұйымдарының әкімшілік-басқару аппараттарына жұмсалатын шығындары жатады. Әкімшілік-басқару шығыны, негізінен, әкімшілік-басқару қызметкерлерінің санымен анықталады. [1]
Дереккөздер өңдеу
- ↑ Қазақ Совет Энциклопедиясы. Алматы қаласы,1976 ж. 3-том, 31-бет