Әлеуметтік аурулар

Әлеуметтік аурулар — қоғам құрылысына, экономикалық жағдайға байланысты болатын аурулар. Әлеуметтік ауруларға қандай сырқаттар жататынын дәлелдеп айту қиын. Өйткені адамда болатын көптеген басқа аурулар да белгілі дәрежеде тұрмыс жағдайына байланысты. Әлеуметтік аурулар деп мыналарды атап көрсетуге болады: кәсіптік аурулар, өндіріс орнында кездесетін жарақаттану, силикоз, токсикоз, тұрмыс салтына, әдет-ғұрыпқа байланысты таралатын: туберкулез, мешел, мерез, соз және арақ пен апиын салдарынан болатын аурулар. Үстем таптың қанауында жүрген бұқараның тұрмыс жағдайы өте ауыр. Осыған орай, олар Әлеуметтік ауруға жиі ұшырайды.

Кездесу жиілігі

Мысалы, Нью-Йорк, Лондон, Париж сияқты ірі қалалардың жұмыскерлер мен буржуазия тұратын аудандарын салыстырсақ, жұмыскерлер арасында Әлеуметтік аурулар бірнеше есе көп кездеседі. АҚШ-та адамның туберкулезден өлуі негрлер арасында ақ нәсілден 3 есе көп. Совет өкіметі орнағаннан кейін, біздің елімізде еңбекші бұқараның тұрмыс жағдайы жақсарды, Әлеуметтік ауруларға қарсы түрліше шаралар қолданылды. Бұрынғы капиталистік қоғам тұсында орын теуіп қалғаг Әлеуметтік аурулар қазір біртіндеп құруға таянып келеді. Қазақстанда Әлеуметтік ауруларға қарсы күрес шараларының ойдағыдай жүргізілуі нәтижесінде ондай аурулар саны қазір өте аз. Мысалы, республикада туберкулез, соз т.б. Әлеуметтік ауруларға қарсы күрес жүргізуге арнаған бірнеше диспансерлер, курорттар, ғылыми мекемелер бар.