Әли Бен-Насер
Әли Бен-Насер (араб. علي بن ناصر; фр. Ali Bennaceur, 2 наурыз 1944) — тунистік футбол төрешісі. 1984, 1986 жылдары Африка Ұлттары кубогына төреші ретінде барды. Сондай-ақ, 1985 жылы КСРО-да өткен жастар арасындағы әлем чемпионаты ойындарына да қазылық жасады.
| Әли Бен-Насер | |
| علي بن ناصر Ali Bennaceur | |
| Туған күні | |
|---|---|
| Туған жері | |
| Азаматтығы |
|
| Қызметі |
футбол төрешісі |
1986 жылғы әлем чемпионаты
өңдеу1986 жылғы әлем чемпионатына төрелік ететін арбитрлердің қатарына қосылды. Турнирде Португалия - Польша (топтық) және Аргентина - Англия (1/4 финал) кездесулерін басқарды.
Аргентина - Англия матчының 51-минутында Марадонаның қолмен соққан голын есептеп жібереді де, басы дауға қалады. «Кезекті шабуылдың бірінде Марадона өзгелерден оқшауланып доптың соңынан жетіп барды. «Ойыннан тыс қалмады ма екен?» деп қапталдағы көмекшіме қарадым. Жоқ, ол тәртіп бұзылғанын мәлімдейтіндей белгі танытпады. Допқа қайта қарағанымда қақпада тулап жатты. Ә дегенде ағылшын футболшыларының маған неге өршелене шағымданғанын түсіне қоймадым. Голдан соң олай шағымдану футболда жиі болып жатады. Ал, төреші деген ешқашан шешімінен айнымау керек» деді өзі бұл жайлы.
Марадонаның «менің қолым емес, Құдайдың қолы» деп сөз тауып кететін голы осы болатын.
Осы ойыннан соң қайтадан әлем чемпионаты ойындарына қазылық жасаған жоқ.
2015 жылы 17 тамыз күні Марадона баяғы қолмен соққан голды есептеп жіберетін төреші Әли Бен-Насерге арнайы жолығып, өзің қолтаңбасы қойылған футбол жейдесін сыйға тартты да, төрешіні өзінің мәңгілік досы деп атады[1].