Әлмахан Исахов

Әлмахан Исахов (14.9.1942 жылы туған, Арыс қаласы) – журналист. ҚазМУ-дың филология факультетін бітірген (1967). 1967 – 71 жылдары Бөген, Қызылқұм ауданы газеттерінде бөлім меңгерушісі, Шымкент тоқыма комбинатының көптаралымды газетінде аудармашы, 1971 – 77 жылдары «Оңтүстік Қазақстан» газеті жауапты хатшысының орынбасары, 1977 жылдан Мақтаарал ауданындағы меншікті тілшісі. «Аққулар ұшқан ауылым», «Бағара – алтын бесігім» кітаптарын құрастырған, «Ақ мақта», «Күш атасы», «Жетісай әуендері» топтамаларына көркем туындылары енген. Бүкілодақтық көрменің қола медалінің иегері. ҚР Құрмет грамотасымен марапатталған.