Әлім Қайсар

Әлім Қайсар - жазушы. 1947 жылы 9 қаңтарда, Қостанай облысы Жанкелдин ауданының Саға ауылында (қазіргі «Қызбел» шаруашылығы, Сарықопа өңірі) туды. Мамандығы –журналист. Қазақстан Жазушылар одағының, Халықаралық жазушылар одағының және Қазақстан Журналистер одағының мүшесі. Ол белсенді ауыл тілшісі ретінде таныла бастаған 1969 жылы Қостанай облыстық «Коммунизм таңы» («Қостанай таңы») газетіне жұмысқа шақырылды. Бастапқыда әдеби қызметкер, аға әдеби қызметкер, мәселені жедел қамтитын тілші болды. Кейін газеттің өнеркәсіп, құрылыс және көлік бөлімінің, пртия тұрмысы бөлімінің меңгерушісі болып қызмет етті. 1990 жылғы тамыздан бастап 1997 жылғы сәуірге дейін респбуликалық «Егемен Қазақстан» («Социалистік Қазақстан») газетінің Торғай облысындағы меншікті тілшісі болып істеді. Облыс жабылған соң Ақмола қаласына келіп, облыстық «Арқа ажары» газетінде тілші, 1998-2000 жылдар аралығында Қазақстан Республикасы Мәдениет, ақпарат және қоғамдық келісім министрлігінде бас маман болды. Ол 2000-2014 жылдары «Егемен Қазақстан» республикалық газеті» ашық акционерлік қоғамында қызмет істеді.

Қ. Әлім «Жазушы», «Қазақстан», «Жалын», «Ана тілі», «Қайнар», «Фолиант» т.б. республикалық баспалардан шыққан 24 кітаптың авторы. Бұдан басқа 2007 жылы оның 8 томдық шығармалар жинағы жарық көрді. Сондай-ақ оның әдеби жазбасымен әр түрлі мамандық иелерінің атынан бес кітап республика баспаларынан жарық көрді. Көптеген көркем очерктері мен әңгімелері, эсселері мен көсемсөздері отызға жуық ұжымдық жинаққа енгізілген.

Алаш ардақтысы Міржақып Дулатовтың мәйітін 57 жылдан соң Карелиядан әкеліп, туған жері – Торғайға қайта жерлеу экспедициялық сапарының (1992 ж.) басы-қасында болған Қайсардың қаламынан «Мұңды сапар» атты тағылымы мол хикаят туды. Бұған дейін ол М. Дулатов ақталысымен-ақ, халқының тәуелсіздігі үшін күрескен осынау асыл азамат туралы танымдық маңызы зор бірнеше зерттеу мақалалар, деректі әңгімелер, эсселер жариялаған еді.

Отбасында 5 баланың әкесі.

Марапаттары:

• «Бүкілодақтық социалистік жарыс жүлдегері» белгісі
• Қазақстан Журналистер одағының, республикалық «Жас Алаш» («Лениншіл жас») газетінің, «Ақиқат» («Қазақстан коммунисі») журналының Құрмет грамоталары
• 1998 жылы Қазақстан журналистер одағы М. Дулатов атындағы сыйлығының иегері атанды.
• Ел Тәуелсіздігінің 10 жылдығы құрметіне Президент Н.Ә. Назарбаевтың «Алғыс хатымен» (2001 ж.)
• 2006 жылы «Ерен еңбегі үшін» медалімен марапатталды.
• «Торғай қаласының құрметті азаматы» (2004)
• Астана әкімі «Алтын қалам» конкурсының жеңімпазы (2008)
• Қазақстан Республикасының Мәдениет қайраткері (2009)
• Қазақстанның құрметті журналисі (2009)
• «Қазақстан Республикасының тәуелсіздігіне 20 жыл» мерекелік медалі (2011)
• Қазақстан Республикасы Президенті сыйлығының лауреаты (2012)
• Жанкелдин ауданының Құрметті азаматы (2013)
• Қазақстан Журналистика академиясы «Алтын Жұлдыз» сыйлығының иегері (2013)
• «Бейбітшілік әлемі» Алтын медалінің иегері (2013)
• Біріккен Ұлттар Ұйымы халықаралық «Құрмет Белгісі» орденінің иегері (2013)
• «Әзілхан Нұршайықов» медалінің иегері (2014)
• «Қазақстанның еңбек сіңірген қайраткері» (2014)
• Халықаралық Жазушылар одағының мүшесі (2015)
• «Бейбітшілік әлемі» Халықаралық қазақ творчестволық бірлестігінің «Ұлт мақтанышы – Гордость нации» медалінің иегері (2015)

Шығармалары:

• Сейітхан Темірбаев. Очерк. Алматы, «Жазушы», 1975
• «Жамбыл» совхозы. Очерк. Алматы, «Қайнар», 1977
• Шабытты еңбек. Көсемсөз. Алматы, «Қазақстан», 1978
• Түлеген тыңның түлектері. Көсемсөз. Алматы, «Қайнар», 1979
• Чернобыль қаһарманы. Хикаят. Алматы, «Жалын», 1989
• Сұлтанбек пен Бәтима. Әдеби зерттеу. Арқалық баспаханасы, 1993
• Мұңды сапар. Хикаят-сапарнама. Алматы, «Ана тілі», 1997
• Мықшеге. Хикаят. Алматы, «Ана тілі», 1998
• Адам ізі. Хикаят. Ақмешіт баспаханасы, 2001
• Міржақыптың оралуы. Возвращение из небытия. Хикаят. (қазақ, орыс тілінде). Астана, «Фолинат», 2001
• Сырбай мен Ғафу. Эссе-хикаят. Астана, «Фолиант», 2003
• Жанығу. Эсселер, новеллалар, нақәңгімелер. Астана, «Парасат әлемі», 2003
• Махаббат жыршысы. Эпистолярлық хикаят, Астана, «Фолинат», 2005
• Мәңгілік шер. Хикаят. Астана, «Фолиант», 2006
• Сегіз томдық шығармалар жинағы. Астана, «Фолиант», 2007
• Актер тағдыры, естеліктер. Астана, «Фолиант», 2008
• Терең тамыр. Тарихи-этнографиялық хикаят. Астана, «Фолиант», 2009
• Сейілмейтін мұң. Трагедиялық хикаят. Астана, «Фолиант», 2010
• Алашшыл жүрек. Тәуелсіздік толғауы. Астана, «Фолиант», 2011
• Ақселеуге жаздым хат. Эпистолярлық эссе. Астана, «Фолиант», 2012
• Махаббат жыршысы. Ә. Нұршайықовпен хаттасулар. Алматы, «Ана тілі», 2012
• Қос айқай. Торғай, Қостанай өңірі ақындарының айтысы.Астана, «Фолиант», 2012
• Сыздамашы, жүрегім! Эсселер, көсемсөздер, новеллалар. Алматы, «Қазығұрт», 2012
• Құдай-ау, қайда сол жылдар?! Естеліктер, эсселер. Астана, «Фолиант», 2012
• Алаш қызы Гүлнар. Естелік-эссе (Құрастырған Қ.Әлім, Е.Сатыбалдиев). Алматы, «Мектеп», 2014
• Мекке, Мәдинам менің! Қажылық пайым. Астана, «Фолиант», 2015
• Кәусар. Әдеби портреттер, эсселер. Алматы, «Ана тілі», 2015

Шығармалары:

• Сейітхан Темірбаев. Очерк. А., 1975;
• "Жамбыл совхозы". Очерк. А., 1977;
• Шабытты еңбек. Көсемсөз. А.. 1978;
• Түлеген тыңның түлектері. Көсемсөз. А., 1979;
• Чернобыль қаһарманы. Хикаят. А., 1989;
• Сұлтанбек пен Бәтима. Зерттеу. 1993;
• Мұңды сапар. Хикаят-сапарнама. А., 1997;
• Мықшеге. Хикаят. А.. 1998;
• Адам ізі. Хикаят. А., 2001;
• Міржақыптың оралуы. Возвращение из небытия. Хи­каят (қазақ, орыс тілінде). Астана, 2001;
• Міржақыптың оралуы. Хикаят-сапарна­ма. Астана, 2002;
• Жанығу. Эсселер, новеллалар, әңгімелер. Астана, 2003.