Әл-Фараби атындағы даңғыл (Алматы)
Әл-Фараби атындағы даңғыл (Алматы) - Алматы қаласының ең ірі және маңызды автомагистралі. Ол Достық даңғылынан басталып Сайын көшесіне дейін жалғасып қаланың екі бөлігін байланыстырады.
Даңғылға әлемнің екінші Ұстазы атанған әмбебап ғалым: философ, астроном, математик, дәрігер, тұңғыш музыкатанушы, логик, тілші, шешендіктанушы әл-Фарабидің есімі (Алматы қаласы атқару комитетінің 10.12. 1975 №480 шешімі) берілген.
Даңғыл қаланың Медеу, Әуезов, Бостандық және Жетісу аудандарын қиып өтеді. Ол - шығыстан батысқа қарай Фурманов көшесінен Науан көшесіне дейінгі аралықта созылып жатқан екі бағытты жол болып есептеледі. Мұстафин, Жароков, Достық, Фурманов көшелерімен қилысады. Бұрынғы атауы - Водозаборная көшесі. Даңғылдың ұзындығы - 5400 метр.
Даңғыл бойындағы жоғары оқу орындары: Әл-Фараби атындағы Қазақ Ұлттық университеті «Нұр-Мүбарак» Египет ислам мәдениеті университеті.[1]
Әл-Фараби даңғылы - бұл Алматыдағы ең көп жаңа ғимараттар салынған көше. Мысалы: Falconcity, Metropole, AFD Plaza, Esentai Apartments, Esentai City және басқалар.
Дереккөздер өңдеу
- ↑ Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0