Әмеди Хәсенов

 Басқа мағыналар үшін Хасенов деген бетті қараңыз.

Әмеди Хасенов (1927-1990) - тіл білімі маманы, филология ғылымдарының кандидаты (1955), профессор (1988).

Әмеди Хасенов
Туған күні	1927 (1927)
Қайтыс болған күні	1990 (1990)
Ғылыми дәрежесі	филология ғылымдарының кандидаты

Өмірбаяны

• ҚазПИ-ды бітірген (1949).
• 1952-1957 жылдары Алматы шетел тілдері педагогикалық институтында (казіргі Қазақ халықаралық қатынастар және әлем тілдері университеті) орыс тілі кафедрасының меңгерушісі, жоғары партия мектебінің оқытушысы, Ы. Алтынсарин атындағы ғылыми-зерттеу институтының аға ғылым қызметкері.
• 1957 жылдан өмірінің аяғына дейін шетел тілдері педогогикалық институтында аға оқытушы, доцент, қазақ және орыс тілдері, қазақ және жалпы тіл білімі кафедрасының меңгерушісі, профессоры болды.

Ғылыми еңбектері

Ғылыми-зертеу еңбектері қазақ тілінің грамматикалық құрылысы жалпы тіл білімінің теориялық және практикалық мәселелеріне арналған. Негізгі еңбектері:

• «Қазақ тіліндегі сан есімдер» (1957)
• «Жай сөйлемдер және синтаксисті оқытудың кейбір мәселелері» (1957)
• «Синтаксис пен пунктуацияның кейбір мәселелері (1957)
• «Пунктуацияны оқыту жолдары» (1957)
• «Тіл білімінің теориялық және практикалық мәселелері» (1985)
• «Тіл біліміне кіріспе» (1989)
• «Тіл білімі» (1996) т. б.
• Оның 8-сыныпқа арналып 1962 жылы жарық көрген «Қазақ тілі» оқулығы осы уақытқа дейін оқытылып келеді.