Әнуар Қанатұлы Жанғозин

Әнуар Қанатұлы Жанғозин - «Назарбаев Зияткерлік мектептері» ДББҰ Басқарма Төрағасы.

Өмірбаяны

1986 жылы 29 сәуірде дүниеге келген. 2008 жылы М.В. Ломоносов атындағы Мәскеу Мемлекеттік Университетінің механика-математика факультетін бітірді. 2015 жылы Назарбаев университетінің магистратурасын «Білім берудегі көшбасшылық» Кембридж университетімен бірлескен бағдарламасы

Еңбек жолы

• 2011-2016 жылдар аралығында «Назарбаев Зияткерлік мектептері» ДББҰ орталық аппаратында, сондай-ақ Астана қаласының Назарбаев Зияткерлік мектебінің директоры болып жұмыс істеген.

Әнуар Қанатұлы басшылық еткен кезеңде Астана қаласының Назарбаев Зияткерлік мектебі Зияткерлік мектептер желісінде халықаралық деңгейде танылған Халықаралық Бакалавриат ұйымымен авторландырылған және CIS (Council of International Schools) кеңесімен аккредиттелген алғашқы мектеп болған.

• 2016-2017 жылдары Астана қаласы білім басқармасы басшысының орынбасары, 2017-2019 жылдары басшысы қызметін атқарды.
• 2019-2022 жылдары қоғамдық және жеке жобаларды жүзеге асырумен айналысқан: ауыл оқушылары мен мектептерін дамыту, жастардың дағдыларын нығайту; білім беру ұйымдарының басшыларына арналған семинарлар; онлайн білім беру.
• 2022-2023 жылдары «Халықаралық бағдарламалар орталығы» акционерлік қоғамын басқарды: «Болашақ» бағдарламасын әкімшілендіру; 500 ғалымға арналған жыл сайынғы тағылымдамалар жобасын іске асыру; үкіметаралық гранттарды іріктеу және беру.
• 2022 жылдан бастап Қазақстан Республикасы Президенті Әкімшілігінің негізіндегі «Delivery Unit» – Нәтижеге қол жеткізуді басқару кеңсесінде білім беруді дамыту жөніндегі топтың көшбасшысы болып табылады. Топ көшбасшысы бола отырып, Big-Data сала көрсеткіштеріне талдау жүргізумен; халықаралық тәжірибеге шолумен; сараптамалық қорытындыларды жинаумен және жүйелеумен; білім беру саласындағы мемлекеттік саясатты қалыптастыру және түзету бойынша ұсынымдарды әзірлеумен; «Жайлы мектеп» ұлттық жобасын әзірлеу мен іске асыруда сараптамалық қолдау көрсетумен айналысады.
• 2019 жылы Әнуар Қанатұлы Президенттік жастар кадр резервіне алынды.
• 2023 жылдың наурыз айынан бастап «Назарбаев Зияткерлік мектептері» дербес білім беру ұйымының Басқарма Төрағасы болып тағайындалды.

Марапаттары

• ҚР Білім және ғылым министрлігінің «Ы. Алтынсарин» төсбелгісі және «Ерен еңбегі үшін» медалімен марапатталған.