Әскерге хабар беру

Әскерге хабар беру (Оповещение войск) — барлық бөлімшелер мен бөлімдер үшін арнайы бекітілген сигналдарды (қарсыластардың әуе шабуылы туралы, радиоактивті, химиялық, бактериялық залалдар туралы және т.б.) жеткізу, беру. Әскерге хабар беру әскердің дер кезінде қорғануы немесе қарсы әрекет жүргізуі үшін шара қолдануы мақсатында жүргізіледі. Әскерге хабар беру қарсыластардың тұтқиылдан ядролық шабуыл жасау қаупін жойып, әскердің дер кезінде шара қабылдап, барлық қорғаныс құралдарын барынша толық қолдануына мүмкіндік береді. Радиоактивті, улағыш, бактериялық заттар тапқан кезде бөлімше командирінің нұсқауымен жедел түрде хабарлау сигналы беріледі. Әуедегі қарсыластар туралы хабар радио және байланыстың сигнал құралдары арқылы беріледі.