Әскери коммуникация

Әскери коммуникация (Военные коммуникации; лат. communicatio, communico — байланыстырамын, сөйлесемін) — әскерлердің қозғалысы үшін, қару-жарақ пен әскери техника, оқ-дәрілер, жанармай және басқа материалдық құралдар тасымалдау үшін, сондай-ақ эвакуацияның барлық түрлерін жүзеге асыру үшін дайындалып жабдықталған байланыс жолдары. Көліктің әр түрінін құрамды бөлігі болып табылады Әскери коммуникация Құрлықтық, судағы және әуедегі болып бөлінеді. Құрлықтық әскери қарым-қатынастарға темір жолдар, автомобиль және аркан бойымен жүретін жолдар, құбырлар, судағы әскери коммуникацияға — порттар, жүзудің кауіпсіздігін қамтамасыз ететін гидротехникалық құрылыстар мен жүзу құралдары бар теңіз, өзен, көл және басқа жолдар; әуе жолдарына — ұшақтар мен тіқұшақтардың ұшуы үшін салынған әуе трассалары, жабдықталған аэродромдар, ұшақты жүргізу және ұшуды қамтамасыз етудің жер үсті радиотехникалық құралдары жатады.

Әскери коммуникация үнемі жұмыс істеп тұрады, оның күзеті мен қорғанысы ұйымдастырылады. Әскери коммуникация стратегиялық, оперативтік, тактикалық болын бөлінеді. Жабдықтарына қарай әскери қарымқатынастар — орталық, маңдайшептік, армиялық, корпустық және жауынгерлік болып, бағытына қарай жаппай, яғни мандайшепке параллель жүретін қарым-қатынас болып бөлінеді. Әскери коммуникация жүйесін дамыту көптеген елдерде әскерлердің қысқа мерзімді таратылуын, олардың ұрыс қимылдары аудандарына уақытында жылжуын, бір бағыттан екінші бағытқа кайта топтауды қамтамасыз ету және ұрыс қимылдары барысында әр түрлі материалдық құралдарды жеткізу мақсатында жүргізіледі.