Әскери мәжіліс үйі

Әскери мәжіліс үйі - Алматы қалысындағы қоғамдық ғимарат, ағаш үй салу өнерінің туындысы. 1908 жылы іргесі көтерді (жобаның авторы және құрылысшысы А.П. Зенков). 1918 жылға дейін офицерлер клубы, 1918 жылдан кейін почта-телеграф кеңесі, Қызыл Армия үйі. Орта Азия әскери округы үйі болды. Ғимарат сүйірленіп келген сүмбелі мұнараға ұқсас көлем мен қос қапталдағы бөлмелерден тұрады. Кіреберіс маңдайшасындағы дулыға іспетті қалқа оймышты тіреулерге иек артқан. Құрылыста ағаштан қиып, тақтаймен қаптаған. Ғимараттың қасбеті, терезе жақтауы мен дөдеге бұғаттары ағашпен көмкерілген. Қалпына келтірілгеннен кейін (1982 - 1984) Қазақ, музыкалық аспаптар мұражайы орналасты. [1]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8