Әскерлерді алмастыру

Әскерлерді алмастыру (Смена войск) — ұрыс жағдайында әскерлер ұстап тұрған шептерді, бекіністерді, аудандар мен өңірлерді ұйымдасқан түрде қабылдау және өткізу. Әскерлерді алмастыру алмастырушы бөлімшелер мен бөлімдер оларға белгіленген жиналу ауданына таңертеңге дейін шығып үлгеруі есепке алына отырып, алдын ала жасалған жоспар бойынша, жылдам, қарсыластан жасырын түрде, әдетте, түнгі мезгілде жүргізіледі. Алмастырылған бөлімше алмастырушыларға қарсыласы туралы барлық мәліметтерді (орналасуы, күші, іс-қимыл әрекеттері), сонымен қатар өздерінің қорғаныс құрылыстары, бөгеттері туралы және т.б. мәліметтерді хабарлайды. Қарсылас шабуылға көшкен жағдайда Әскерлерді алмастыру токтатылады және барлық бөлімшелер алмастырылған бөлімше командирінің басқаруымен шабуылды тойтарады.