Әскерлерді жабдықтау

Әскерлерді жабдықтау (Снабжение войск) — бөлімдерді, құрамаларды барлық материалдық жабдықтармен қамтамасыз ету. Оны тыл қызметіндегі бөлімдер ұйымдастырып, іске асырады. Әскерлерді барлық материалдық және техникалық жабдықтармен дер кезінде, толық қамтамасыз етудің бейбіт және соғыс кезінде де маңызды зор. Жауынгерлерге, бөлімдерге және құрамаларға керекті барлық заттар өзінің қолданылатын түріне қарай әр түрлі топқа бөлінеді: ракеталық артиллериялық қару-жарақ, киім-кешек, азық-түлік жабдықтары, т.б. Әскерлерді жабдықтаудың тылдық міндеті: материалдық, керек жарақтың қабылдануын, есепке алынуын, берілуін және ұзақ уақыт сақталуын қамтамасыз етеді; жауынгерлердің тамақтануын, сарбаздардың, сержанттардың және офицерлердің күнделікті шаруашылыққа керекті заттармен қамтамасыз етілуін ұйымдастырады; әскери жабдықтар мен ақшалай қаражаттың жұмсалуына бақылау жасайды.