Әубәкір Сыдықұлы Рахимов
Әубәкір Сыдықұлы Рахимов (11 қыркүйек 1950 жылы Шығыс Қазақстан облысы Үржар ауданы Таскескен ауылында туған) — қазақстандық театр режиссері, профессор. Қазақстанның еңбек сіңірген қайраткері. Т.Жүргенов атындағы Қазақ ұлттық өнер академиясының профессоры М.Әуезов атындағы Қазақ мемлекеттік академиялық драма театрының қоюшы-режиссері.
| Әубәкір Рахимов | |||||
| Әубәкір Сыдықұлы Рахимов | |||||
| Жалпы мағлұмат | |||||
|---|---|---|---|---|---|
| Туған күні |
11 қыркүйек 1950 (73 жас) | ||||
| Туған жері | |||||
| Азаматтығы | |||||
| Мамандығы |
театрдың қоюшы-режиссері, профессор | ||||
| Белсенді жылдары |
1968 - осы уақыт | ||||
| Марапаттары |
 | ||||
Жалпы мәліметтер өңдеу
Әубәкір Сыдықұлы 1950 жылы Шығыс Қазақстан облысы Үржар ауданы Таскескен ауылында дүниеге келген. 1966ж Шығыс Қазақстан облысы Үржар ауданы Таскескен ауылындағы Ы. Алтынсарин орта мектебін үздік бітірді.
1966-1968жж. М.Әуезов атындағы академиялық театрдың актерлік студиясын оқып бітірді. Еңбек жолын 1968ж. Жамбыл облыстық театрында актер болып бастады.
1974ж. Мәскеудегі А. Луначарский атындағы Театр өнері институының (ГИТИС) режиссерлік факультетіне КСРО халық артисі, КСРО Мемлекеттік сыйлықтарының лауреаты, профессор И.М. Тумановтың (Туманашвили) курсына түсіп, 1979ж. үздік бітірді. Дипломдық жұмысын М.Әуезов театрында О.Бөкейдің «Текетірес» пьесасы бойынша қойған спектаклімен қорғап, осы театрға жұмысқа шақырылды. Сол уақыттан бері режиссер осы сахнада жанрлық шешімі мен көтерген мәселелесі сан алуан 50-ден аса спектакль қойды.
Білімі өңдеу
- 1966-1968 жылдары М.Әуезов атындағы театрдың «Актерлік студиясын» бітірген. Алматы қаласы;
- 1974-1979 жылдары А.Луначарский атындағы ГИТИС-ті, «Драма театрының режиссері» мамандығы бойынша бітірген. Москва қаласы.
Марапаттары өңдеу
- 1996 жылы Махамбет Өтемісұлы атындағы халықаралық сыйлықтың лауреаты;
- 1998 жылы президент жарлығымен "Қазақстанның еңбек сіңірген қайраткері" құрметті атағымен марапатталды.
- 1998 жылы тәуелсіз Қазақстанның тұңғыш мемлекеттік мерекелік медалі «Астана медалі»нің иегері.
- 2009 жылы президент жарлығымен «Парасат ордені» мен марапатталған.
- 2010 жылы Қазақ ұлттық өнер академиясының профессор (ғылыми атағы);
- 2015 жылы "Қазақ хандығына - 550 жыл" мерейтойлық медалі;
- 2016 жылы "ҚР тәуелсіздігіне 25 жыл" мерейтойлық медалі;