Әшімбаев атындағы көше (Алматы)

Әшімбаев атындағы көше (Алматы)

Көшеге қоғам және мемлекет қайраткері, үлкен талант иесі, қазақ жазушысы, сарабдал сыншы Сағат Әшімбаевтың есімі (Алматы қаласы әкімінің 15.08.1997 Ма 432 шешімі) берілген. Әшімбаев Сағат (1947-1991) Алматы облысының Нарынқол ауылында дүниеге келген.Қазақ КСР Телекомитетінің төрағасы, Жазушылар Одағы Басқармасының хатшысы, ВААП-тың Қазақстан Республикасы бөлімінің бастығы қызметтерін атқарған. Ол - «Сын мақсаты», «Сын бейнесі», «Тағылым» секілді заманауи мәселелерді батыл көтерген шығармалардың авторы.

Көше Медеу ауданында орналасқан. Жангелдин, Хамиди, Нүсіпбеков көшелерімен қиылысады. Бұрынғы атаулары: Надеждинская, Обуховская, Кавалерийская көшелері. Көшенің ұзындығы - 1050 метр.