Өкпе эмфиземасы

Өкпе эмфиземасы (грек тілінен аударғанда эмфизема - үлкею, ұлғаю) - өкпенің төменгі аймағында ауаның жиналуынан, өкпенің қалыпты жағдайдан ауытқып көлемінің үлкеюі. Өкпе көлемінің шектен тыс ұлғаюы өкпенің эластикалық қасиетінің жоғалуына және ауа қапшықтарының пайда болуына алып келеді.

Өкпе эмфиземасының екі түрі болады. Бірінші түрге өкпенің эластикалық қасиетінің, мықтылығының бұзылуы жатады. Осы ауруды шылым шегу, улы газдармен демалу тудыра алады. Ал екінші түріне альвеолалардың созылуы жатады. Осының ішінде ең негізгісі тыныс алу жолдарының обструкциясы болып табылады.

Белгілері

Аурудың бастапқы кезеңдерінде байқау қиын. Өкпе тіндеріндегі құрылымдық өзгерістер дамыған сайын симптомдар артады. Аурудың алғашқы белгілері - дем шығаруда тән қиындықтармен ентігу. Тыныс алу қиындықтары бастапқыда физикалық күш салу немесе эмоционалды қозу кезінде ғана пайда болады, бірақ кейінірек тыныштықта да пайда бола бастайды. Тыныс алу жолдарының ауруларының негізгі белгілері ентігу мен жөтел болып табылады. Адамның салмағы азаюын, кеуде қуысының көлемінің ұлғаюын байқауға болады, қосымша тыныс алу бұлшықеттері пайда болады. Сонымен қатар бас айналу, естен тану, қан айналу жүйесінің бұзылуы.

Емі

Ең бастысы осы ауруды тудыратын факторларды жою қажет. Яғни жағымсыз әдеттерден айырылу, шылым шекпеу, физикалық белсенділікті азайту, салауатты өмір салтын ұстану. Табиғи препараттарды, антитрипснмен орын басушы терапияларды, Е, С дәрумендерін қолдану.