Өткізім

Өткізім

Өткізім – өнім (тауар) өткізуді (сатуды), қызмет көрсетуді және оны меншіктену құқығын дайындаушыдан (сатушыдан) тұтынушыға (сатып алушыға) табыстауды қамтамасыз ету қызметі. Дайындаушы не көтерме сауда немесе бөлшек сауда делдалы жүзеге асырады. Дайындаушы кәсіпорындар тұтынушылар тапсырысты көп көлемде бергенде, делдалдар жоқ болғанда, басқа да жағдайларда, өткізу қызметімен өзінің өткізу кеңселері, өткізуші агенттері арқылы айналысады, мұның өзі бәсеке жағдайында кәсіпорынға да, тұтынушыларға да тиімді. Дайындаушы фирмалар өткізу функциялары өздеріне экономика жағынан тиімсіз болғанда не арнайы қызметкерлері, қажетті қоймалары, көліктері, тұтынушылармен байланыстары жоқ болғанда өткізуші агенттердің қызметтеріне жүгінеді.