Өт пигменттері

Өт пигменттері — өттің аз мөлшерде қан мен ұлпаның құрамында болатын бояғыш заттар. Өт пигменттері көк бауыр мен бауырда гемоглобин ыдырағанда пайда болады.

Адам мен жануарлар өтінде 2 түрлі пигмент

• жасыл — биливердин,
• қызыл-сары — билирубин болады.

Қалыпты жағдайда адам организмінде тәулігіне 280 мг өт пигменттері пайда болады. Адам қанына - 0,25·10^-3% - тен, 1,2·10^-3% - ке дейін билирубин болады, оның 3/4 - ке жуығы бос күйнде кездеседі. Бауырдан ішекке өтетін өт пигменттерін ішек бактериялары тотықсыздандырады, организмнен стеркобилиноген түрінде бөлініп шығады (тәулігіне 40- 280 мг). Тотықсыздынған билирубиннің бір бөлігі ішек арқылы қанға , онан бауырға өтіп, өтпен бірге қайта бөлінеді. Өт пигменттерінің қышқылдық қасиеті болады, металдармен тұз түзеді. Қанда, зәрде өт пигменттері мөлшерінің көбеюіне қарай сары аурудың түрлері анықталады.