Аманкелді ауданынан 13 шақырым қашықтықтағы Үрпек ауылында 1916 жылғы Торғай көтерілісшілерінің штаб-квартирасы орналасқан болатын. Өкінішке орай осы тарихи ғимараттың тек үш қабырғасы ғана сақталған.
Бұл тарихи ғимарат алғашында Аманкелді Имановтың штаб-квартирасы болса, кейіннен ауыл клубы болған.1975 жылы күрделі жөндеу жүргізіліп, Аманкелді Иманов атындағы мұражайға айналды.
Тоқырау кезінде бұл мұражай аудан орталығындағы мұражайға көшіріліп, жабылған.Кейіннен қараусыз қалған ғимарат құлап, тек үш қабырғасы ғана тұр. Алдыңғы жақ беті және бүйірдегі екі қабырғасы бүтін. Ғимараттың күйдірілген оюлы қызыл кірпіштен салынғанын құлаған қабырғасынан байқауға болады.
Қазіргі таңда ғимараттың алдына орнатылған ескерткіш-тақта ғана бұл жерде Аманкелді Иманов сарбаздарының штаб-квартирасы болғанын еске салып тұр. Ғимарат маңында халық батыры Аманкелдң Имановтың ат үстінде тұрған үлкен ескерткіші және Ұлы Отан соғысы қатысушыларына арналған обелиск бар. Келешекте мемлекет тарапынан қамқорлық болмаса көтерңлңсшңлердің штаб-квартирасы мүжіліп, құлап жойылуы анық.[1]
- ↑ «Қостанай облысы Торғай аймағы көрікті жерлерінің ақпаратты бағдар тізбегі» - Қостанай: ЖШС «Шапақ» баспасы, 2011 – 122 бет, - қазақша, орысша.
Кітап авторлары: Елена Цвентух, Шоптибай Байдильдин, Арыстан Айтмагамбетов, Игорь Роговой, Дмитрий Артюх, Гулхашима Оразова, Бахытгуль Сакаупова, Манатбек Кожиков.
