AQTÓBE (телеарна)

«AQTÒBE» – ірі аймақтық телекомпания. Ақтөбе облысы бойынша 100% аудиториямен қамтылған. Телеарна 1960 жылдан бастау алады.Бүгінгі таңда мекеме бірнеше студиялардан, ASB аппараттық және студиялық блоктан, эфирлік және жаңалықтар бағдарламасын басқару бөлмесінен, 170 м² үлкен студияға арналған арнайы жарықтандыруы бар энергетикалық бөлімнен, сызықты емес қондырғылардан тұратын заманауи технологиялық кешеннен құралған.

AQTÓBE
«Қазақстан» РТРК» АҚ Ақтөбе облыстық филиалы
Aqtobetv
Ел	Қазақстан
Хабар тарату аумағы	Ақтөбе облысы
Хабар тарату уақыты	14 сағат
Хабар тарату тілдері	қазақша, орысша
Басқару орталығы	Ақтөбе, Т.Ахтанов көшесі, 54
Хабар таратуын бастады	28 қазан 1960 жыл
Иесі	«Қазақстан» РТРК» АҚ
Директоры	Айдана Смағұлова
Бұрынғы атаулары	Қазақстан-Ақтөбе
Сайт	aqtobetv.kz

2015 жылдан бері телекомпания SDI форматында хабар таратып, Full HD форматында жұмыс істейді. 2015 жылы Cinegy технологиясы, қашықтан басқару блогы бар роботты PTZ камералары іске қосылды. Хабар тарату тәулігіне 14 сағат жүргізіледі.

Телеарна күніне 3 рет тікелей эфирде жедел жаңалықтар таратады. Сондай-ақ қоғамдық-саяси, ғылыми-танымдық, музыкалық-сауықтыру бағдарламалар көрсетіледі. Бүгінгі таңда телекомпания өз өнімінен 36 бағдарлама дайындап, эфирге шығарады.

HD форматындағы Iveco микроавтобусына негізделген мобильді теледидар станциясы телекөпірлерден, спорттық және концерттік іс-шаралардан тікелей трансляцияға мүмкіндік береді. Мемлекеттік тілде телерадио хабарларын тарату жалпы хабар көлемінің 80 пайызын құрайды.

Сыртқы сілтемелер

• https://aqtobetv.kz/kz
• https://aqtobetv.kz/kz/videos Мұрағатталған 2 ақпанның 2015 жылы.
• https://aqtobetv.kz/kz/projects Мұрағатталған 2 ақпанның 2015 жылы.
• https://aqtobetv.kz/kz/news