Costa Concordia

Costa Concordia
	Costa Concordia
	Costa Concordia
Негізгі ақпарат
Түрі	саяхат кемесі
Мемлекет	Италия
Тіркелген айлақ	Генуя
ИМО нөмірі	9320544
Қысқаша атауы	IBHD
Суға түсірілді	2 қыркүйек 2005
Қолданысқа берілді	шілде 2006
Қазіргі уақытта	2012 жылы 13 қаңтарында апатқа ұшырады
Сипаттамасы
Ұзындығы	290,20 м
Ені	35,50 м
Орташа шөгуі	8,20 м
Техникалық сипаттамасы
Қозғалтқыштар	6 x Wärtsilä
Қуаттылығы	75 600 кВт
Жылдамдығы	19,6 түйін
Экипаж саны	1100
Жолаушылар сыйымдылығы	3 700

«Costa Concordia» — Costa Crociere компаниясының меншігіндегі «Concordia» классындағы саяхат кемесі, Италиядағы Сестри Понентедағы (Генуя) Fincantieri айлағында 2006 жылы салынған және жерорта теңiзі порттарының арасында саяхат рейстерiн италиялық байрақпен жасайтын болған. Егіз кемелері Carnival Splendor, Costa Pacifica, Costa Favolosa, Costa Fascinosa және Costa Serena болып саналады.

Сипатты

Costa Concordia ұзындығы 290.20 метр, ал ені 35.50 метр және биіктігі 8.20 метрді құрайды. Ол 19.6 түйін (36.3 км/с) жылдамдықпен қозғалта алатын 75 600 киловатты Wärtsilä алты дизельді қозғалтқыштар арқылы жүзеді.

Апат

Апат орынының схемасы
42°21′53″ с. е. 10°55′16″ ш. б. / 42.36486° с. е. 10.92124° ш. б. ^(G) ^(O) ^(Я)

2012 жылдың 13 қаңтарында кеме өзінің әдеттегі «7 Night Winter Mediterranean (Savona Roundtrip)»^[2] саяхат бағдарымен Савонудағы Чивитавеккья айлағынан шықты.

14 қаңтарға қараған түні Джильо аралы маңында қайраңға отырып, суасты жартасына соғылған. Алғашқыда тез қисая бастаған кеме бір жағына құлап, жарым-жартылай суға батып кетті. Жолаушылардың көбі кемедегі құтқару қайықтарына тиеліп, Джильо аралына аман-есен жеткізілген^[3].

Апат кезінде бортта 62 елден 3216 жолаушы және 1023 команда мүшелері болды. Жолаушылардың арасында 7 Қазақстан^[4] және 108 Ресей азаматтары болған. Ешкім зақымданбаған. Сонымен қатар кеме бортында 45 Украина және 3 Беларусь азаматтары болды.

Франческо Скеттино

Costa Concordia кемесінің апатқа ұшырауына кеме капитаны Франческо Скеттиноның^[5] көптеген қателігі себеп болған. Бұл туралы бүгін кеме тиесілі болған «Коста Крочере» компаниясының мәліметінде айтылды.

Кеме иесінің айтуынша: «Кеменің бағыты жағалауға тым жақын болған». Сонымен қатар «кеме капитаны төтенше жағдайлар орын алғанда орындалуы тиіс шараларды ескермеген».

Қазіргі кезде тергеушілер «қара жәшіктегі» мәліметті анықтауды бастады. Алғашқы мәліметтер бойынша, команда мүшелері де, капитан да SOS теңіз дабылын бермеген. Сондай-ақ айлақ басшылығымен өздері емес, керісінше, жердегі операторлар кемемен хабарласқан.

Апаттың орын алу себептерін тергеу жұмыстары жалғасып жатыр. Бірақ, алдын ала мәліметтер бойынша, оған адам қателігі себеп болғаны белгілі болып отыр.