III Педро (Арагон королі)


Ұлы III Педро - Арагон патшасы - I Хайменің үлкен ұлы. Ұлы Педро 1276 жылдан бастап өмірінің соңына дейін Арагона, Валенсия және Майорканың патшасы, тәуелсиз Барселонаның графы болған. Жас кезінде және есейген шағында Педро әкесі бастаған маврларға қарсы ұзақ соғыстарда біраз тәжірибе жинады. 1262 жылдың 13 маусымында Сицилия патшасы Манфредтің қызы - Констанцияға үйленді. Ал екінші әйелінің есімі Йоланда Венгерская болған. 1276 жылдың қараша айында Педро Сарагоса қаласында тәж киді. Педроның патша ретіндегі алғашқы міндеті Валенсия жерінде тыныштық орнату болатын. 1282 жылы қыркүйек-қазан айларында Сицилия жерін басып алып, сол жерде билік құрды. Педро өзінің мүмкіндігін пайдаланып, 1283 жылдың ақпан айында Калабрия жағалауының үлкен бөлігін алды. III Педроның қысқа ғана патшалық ғұмырында Еуропа мен Жерорта теңізі тарихында шұғыл өзгерістер көп болды. III Педро 1285 жылы 2 қарашада немесе 11 қарашада Каталонияның Вильяфранка-дель-Пенедес деген жерінде қайтыс болды. III Педроның саяси және әскери талантынан бөлек өлең жазатын да қабілеті болған. Қашанда трубадурларды қолдап отырған.

Дереккөздер өңдеу

[1]

  1. Ұлы Императорлар. – Алматы: «Аруна» баспасы. -134-135 беттер. «11000 қызықты деректер».