Leroy Merlin

Leroy Merlin (транскрипциясы: «Леруа Мерлен») — франциялық компания, Еуропадағы ең ірі DIY (Do-It-Yourself) сатушыларының бірі. 1923 жылы құрылған, Groupe Adeo құрамына кіреді.

Leroy Merlin SA
Түрі	ЖШС
Құрылды	1923
Бұрынғы атауы	Au Stock Americain
Құрушы	Адольф Леруа, Роза Мерлен
Орналасуы	Франция: Лилль
Басты адамдары	Филипп Зимерманн (бас директор)
Саласы	бөлшек сауда
Айналым	14,6 млрд еуро (2014)
Қызметкерлер саны	164,764 (2021)
Басшы компания	Groupe Adeo
Сайты	leroymerlin.com

Леруа Мерлен — үй, саяжай мен бақты тұрғызу, әрлеу және жайластыруға арналған тауарларды сатуға мамандандырылған халықаралық ритейлер-компания.

Groupe Adeo сату көлемдері бойынша әлемде 3-орынды және Еуропада 1-орынды иеленіп отыр, Грекия, Бразилия, Франция, Италия, Польша, Португалия, Испания, Ресей, Қытай, Түркия, Румыния және Украинадағы әр түрлі форматтағы (гипермаркеттер, орташа және кішкентай дүкендер, дискаунттерлер) DIY дүкендерін қамтиды.

Leroy Merlin гипермаркеттер желісі бар елдердің картасы

Леруа Мерлен — бұл әлем бойынша 325 дүкен. Барлық дүкендерде бес негізгі бағыттар бойынша тауарлардың үлкен жиынтығы ұсынылған: үй, интерьер, құрылыс материалдары, жөндеу және бақ.

Тарихы

1923

Францияның солтүстігінде, Не-ле-Мин қаласында жұбайлар Адольф Леруа мен Роз Мерлен Бірінші дүниежүзілік соғыстан кейін Францияның солтүстік қалашықтарында америкалық әскерлер қалдырып кеткен заттарды сату бойынша "Сток Америкэн" алғашқы дүкенін ашады. Құрылыс және әрлеу материалдары ерекше сұранысқа ие болады. Адольф Леруа мен Роз Мерлен әрбір жанұяның өз арманындағы үйді тұрғызғысы келетіндігін өте тез түсінеді.

1960

"Сток Америкэн" сауда-саттық кәсіпорны Leroy Merlin-ге түрлендірілген. Бұл өз клиенттеріне тауарларды тегін жеткізу қағидасын қолданған Франциядағы алғашқы компания болып табылады.

1973-1979

Леруа Мерлен өз-өзіне қызмет көрсету дүкендері бүкіл Франция бойынша ашылады. Орталықтандырылған қызметтер (сатып алу бөлімі мен компьютерлік қызмет) құрылады. 70-жылдардың соңына қарай Леруа Мерлен штатында 500 адам жұмыс істейтін 8 дүкенді құрайды және ұлттық масштабтағы кәсіпорынға айналады.

1979

Леруа Мерлен Ашан тобымен ынтымақтастық туралы келісімшартқа қол қояды.

1989-1999

Польшаның Калише қаласындағы Leroy Merlin гипермаркеті

Леруа Мерлен Испания, Италия, Польша және Бразилияда дүкендер ашады және DIY (Do-It-Yourself) секторында әлемдік нарықтарда алдыңғы орындарға ие болады.

2003-2004

Леруа Мерлен Португалия мен Испанияда (Aki), сонымен бірге Францияда (Obi) DIY компанияларын сатып алады. Леруа Мерлен DomPro және Weldom компанияларымен қосылады.

2004

Ресейдегі Мәскеу облысының Мытищи қаласында алғашқы дүкеннің ашылуы.

2006

GROUPE ADEO құрылады.

2007-2009

«Леруа Мерлен» гипермаркеті
Красногорск, Мәскеу облысы

Леруа Мерлен Румыния, Украина, Грекия және Түркиядағы қызметінің басталуы.

2008

Леруа Мерлен Румыния мен Украинадағы қызметінің басталуы.

2010

Леруа Мерлен Италиядағы Касторама гипермаркеттер желісінің барлығын сатып алады.

2018

Қазақстандағы алғашқы Леруа Мерлен дүкенінің ашылуы.

Қызықты деректер

• Компания негізін қалаушы Адольф Леруа өз ісін ашқан кезде оның жасы бар болғаны 22-де болды.

• Соңғы 5 жылдың ішінде Leroy Merlin Франция, Италия, Испания және Бразилиядағы DIY нарығында нөмір 1-ші компания болып табылады.

• Красногосктегі (Мәскеу облысы) Леруа Мерлен тауар айналымы мен сатып алушылар саны бойынша GROUPE ADEO барлық дүкендерінің ішінде әлем бойынша 1-орынға ие болды.

Сілтемелер

• leroymerlin.kz — Leroy Merlin дүкенінің Қазақстандағы ресми сайты