Petro Kazakhstan

Компанияның тарихы

1986 жыл – Орталық Қазақстанның оңтүстігіндегі Оңтүстік Торғай алабында Құмкөл кен орнының өнеркәсіптік игеруі басталды.

1991 жыл – «Харрикейн Хайдрокарбонз Лтд.» компаниясы Қызылқия, Арысқұм, Майбұлақ және Оңтүстік Құмкөл кен орындарын өңдеумен айналысатын бірлескен кәсіпорындағы серіктес ретінде Қазақстанның нарығына шықты.

1996 жыл – «Харрикейн» компаниясы бірлескен екі кәсіпорын – «Қазгермұнай» мен «Торғай Петролеум» компаниясындағы 50%-дық үлестерімен бірге «Оңтүстікмұнайгаз» компаниясын сатып алады.

2000 жыл – «Харрикейн» компаниясы республикадағы үш МӨЗ-дің бірін иеленетін «Шымкентмұнайоргсинтез» (ШМОС) кәсіпорнын сатып алады.

2003 жыл – компания қызметінің түрін және компания жұмыс істейтін елдің бейнесін айқын көрсету мақсатында корпоративтік атауы «ПетроҚазақстан Инк.» деп өзгертілді.

2005 жыл – «ПетроҚазақстан Инк.» компаниясын «Қытай Ұлттық Мұнайгаз Корпорациясының» еншілес бөлімшесі болып табылатын «CNPCI» компаниясы сатып алды.

2006 жыл – компания «ҚазМұнайГаз» ҰК-қа «ПетроҚазақстан Инк.» компаниясындағы 33%-дық үлесті табыстап, Өзара түсіністік туралы меморандумға қол қояды.

2007 жыл – «CNPCI» компаниясы және «ҚМГ» компаниясы арасындағы келісімдердің бір бөлігі ретінде 2007 жылдың 6 шілде күні «ҚазМұнайГаз» ұлттық компаниясы «ПҚОП» ЖШС-нің 50%-дық иелену үлесін сатып алды. [[ 2009 жыл]] – «ПҚҚР» АҚ-қа «ҚазМұнайГаз» БӨ» компаниясындағы 33%-дық үлесті табыстау бойынша мәміле аяқталды.

Басшылық

ФАН ЦЗЯЧЖУН "ПетроҚазақстан Инк." Президенті Фан мырза Солтүстік-батыс университетінің (Қытай) геология және көмір мен мұнай кенорындарының барлауы мамандығы бойынша магистр дарежесін алған. 2016 жылдың қаңтарында ПҚИ Президенті лауазымына тағайындалғанға дейін, Фан мырза «ПетроҚазақстан Құмкөл Ресорсиз» АҚ-да Басқарма төрағасы қызметін атқарған (2008-2014 ж.). «ПетроҚазақстан» компаниялар тобына келмес бұрын, ол ҚҰМК құрамындағы, соның ішінде Қазақстандағы, бөлімшелерінде жұмыс істеді. Фан мырза мұнай өндірісінде 22 жылға жуық тәжірибеге ие.

Бақытжан Ізтілеуұлы Исенғалиев Стратегиялық коммуникациялар жөніндегі Вице-президент

ЦАО ЦЗИФАНЬ Маркетинг және тасымалдау жөніндегі Вице-президент

ЧЖАН ПИНЧЖАНЬ Еңбек ресурстары және әкімшілік жөніндегі Вице-президент

ЯН МИНЬЮЙ Қаржы жөніндегі Вице-президент және Қаржы директоры

ЦИНЬ ХУНВЭЙ Басқарма Төрағасы, "ПетроҚазақстан Құмкөл Ресорсиз"

БОЛАТ КӨШЕРБАЕВ Игеру және күрделі құрылыс жөніндегі Вице-президент, "ПетроҚазақстан Құмкөл Ресорсиз"

ЦЗЯН ШИ Президент, "ПетроҚазақстан Ойл Продактс"

АСҚАР ТҮРІСБЕКОВ "ПетроҚазақстан Ойл Продактс" Бірінші Вице-президенті

ВАН ЛИЦЗЮНЬ Өндіріс жөніндегі Вице-президент, "ПетроҚазақстан Ойл Продактс"

АСЛАН МЫНБАЕВ Жаңғырту және дамыту жөніндегі Вице-президент, "ПетроҚазақстан Ойл Продактс"

Мұраты мен мақсаттары

«ПетроҚазақстан» компаниясының мақсаты – қазақстандық мұнай саласында көпшілік таныған көшбасшыға айналу болып табылады. Біз үлгілі корпоративтік азамат болуға, өзіміздің акционерлеріміз бен Қазақстан Республикасының құндылығына айналуға, қызметкерлеріміздің денсаулығын қорғауды және олардың еңбек қауіпсіздігін, сондай-ақ қоршаған ортаның экологиялық қауіпсіздігін қамтамасыз етуге ұмтыламыз. Компания басқаруының және компания қызметінің тиімділігін үздіксіз арттыра отырып, жұмыскерлердің көшбасшылық қасиеттерін ынталандырып және біліктілігін дамыта отырып, компания өз акционерлерінің тәжірибедегі, білімдегі, инновациялардағы, технологиялар мен басқарудағы артықшылықтарын пайдалану арқылы даму әлеуетін толық іске асыруға ниет білдіруде. «ПетроҚазақстан» компаниясының жуықтағы жылдарға арналған корпоративтік стратегиясы мұнай өндіру деңгейін арттыру мен оны сақтауға, көмірсутектердің жаңа қорларын арттырып, оның өндірілуін қосымша қорлармен толтыруға, өңдеу тереңдігін ұлғайту арқылы шығарылатын ашық түсті мұнай өнімдерінің шығарылуын көбейтуге, ақша ағымдарын және активтердің таза құнын арттыруға, сондай-ақ өндіріс қауіпсіздігінің жоғары деңгейін қамтамасыз етуге негізделеді. Менеджмент пен бизнесті жүргізу саласында «ПетроҚазақстан» компаниясы барлық мүдделі тараптар: үкімет, акционерлік компаниялар, оның қызметкерлері, мердігерлері, іскерлік серіктестері мен жергілікті халық арасындағы қарым-қатынасты үйлестіруге талпынады. Компанияның табысты болуы бизнес жүргізудің халықаралық стандарттарының, Казақстан Республикасында қолданылатын ережелер мен рәсімдердің, аймақтық ерекшеліктердің, сондай-ақ «ҚҰМК» пен «ҚМГ» ҰҚ» АҚ акционерлер-компаниялардың технологиялары мен инновацияларының үйлесуіне негізделген. Өз қызметін жүргізу кезінде «ПетроҚазақстан» компаниясы келесі қағидаларды ұстанады:

• «Қызметкерлер құрамына қамқорлық көрсету»,

• «Ең бастысы – қауіпсіздік»

• «Бірінші кезектегі мақсаты – қоршаған ортаны қорғау».

Осы қағидалар қауіпсіздік, еңбекті және қоршаған ортаны қорғау стандарттарын компанияның күнделікті қызметіне енгізу және экономикалық, әлеуметтік және экологиялық жауапкершілігін есептеумен осы қызметті тұрақты даму қағидаларымен бірге іске асыру арқылы жүзеге асырылады. Өз жұмысын орындау кезінде «ПетроҚазақстан» компаниясы келесі міндеттемелерді алады:

• Тиісті мемлекеттік және аймақтық заңдар мен нормативтік актілерді, «ПетроҚазақстан» компаниясының саясаты мен рәсімдерін сақтау;

• Мұнай өнеркәсібіндегі жұмыстарды орындаудың көпшілік қабылданған тәжірибесіне сәйкес болу;

• Өндірістік объектілердің қызметі салдарынан болатын ластануды болдырмау және оның қоршаған ортаға деген әсерін қадағалау;

• Жұмыскерлеріміздің, мердігерлеріміздің және халықтың денсаулығы мен қауіпсіздігінің әлеуетті тәуекелдерін анықтау, оларды жою және қадағалау;

• Қауіпсіздік, еңбекті және қоршаған ортаны қорғау бойынша көрсеткіштерді үздіксіз жақсарту.

Осы саясат «ПетроҚазақстан» компаниясының барлық қызметіне қатысты қолданылады. Компаниямен жұмыс істейтін мердігерлік ұйымдардың әрбір қызметкері және қызметкерлер құрамы жоғарыда аталған міндеттемелерге сәйкес жұмыс орындау үшін жауап береді.

Корпоративтік әлеуметтік жауапкершілік

«ПетроҚазақстан» компаниясы өз жұмысын халықаралық стандарттарға, заңнамаға сәйкес, сондай-ақ билік органдары мен жұртшылықпен үндестікте ұйымдастыру жолында корпоративтік әлеуметтік жауапкершілік (бұдан әрі – «КӘЖ») қағидаларын ұстанады. КӘЖ қағидаларын ұстану компанияның басшылығы үшін ғана емес, сондай-ақ әрбір қызметкері де үшін міндет болып табылады.

Әлеуметтік жауапкершілік «ПетроҚазақстан» компаниясының әлеуметтік жауапкершілік тұжырымдамасының негізінде компания жұмыскерлерінің еңбек қауіпсіздігін қамтамасыз ету, медициналық сақтандыру жүйесінің арқасында қызметкерлердің денсаулығын қорғау, оқыту мен дайындау бағдарламалары арқылы адами ресурстарды дамыту, сондай-ақ кешенді басқару жүйесін енгізу жолымен қоршаған ортаны қорғау идеялары қаланған. Сонымен қатар, «ПетроҚазақстан» компаниясы компанияның өзі қызмет ететін, оның қызметкерлері тұратын және жұмыс істейтін Қызылорда және Оңтүстік Қазақстан облыстарының халқы алдындағы әлеуметтік жауапкершілікті толық көлемде түсінеді. «ПетроҚазақстан» компаниясы – Қазақстанның ең ірі меценаттарының бірі. Компанияда қайырымдылық және әлеуметтік тұрғыдан әлсіз топтарға демеулік көмек көрсету, сондай-ақ мәдениет пен көркем өнерді, білім беру, денсаулық сақтау және спорт салаларындағы жобаларды қолдау жөніндегі бірыңғай саясат жетілдіріліп, іске асырылуда. Облыстарда жүргізілетін дәстүрлі әлеуметтік және қайырымдылық бағларламалармен қатар, компания жыл сайын Қызылорда және Оңтүстік Қазақстан облыстарының әкімдіктерімен аймақтарға әлеуметтік-экономикалық тұрғыдан қолдау көрсету жөнідегі меморандумдарға қол қояды. Қазақстанда жұмысты атқару жолында демеушілік пен қайырымдылық мақсаттарына компания тарапынан ондаған миллион АҚШ долларлары бөлінді.

Деректер

http://www.petrokazakhstan.kz/kaz Мұрағатталған 9 қазанның 2016 жылы.