Уикипедия

Qazcontent

«Qazcontent» акционерлік қоғамы — мемлекеттік ақпараттық саясатты жүзеге асыратын медиа компания. Бүгінгі таңда компания 7 ақпараттық ресурсты біріктіреді: жаңалықтар сайттары — baigenews.kz, baq.kz, el.kz, тақырыптық порталдар — adebiportal.kz, e-history.kz, ruh.kz, сондай-ақ Қазақстан Премьер-министрінің ресми сайты. Компания ресурстары 3 тілде қолжетімді.[1]

Qazcontent
Түрі

Акционерлік қоғам

Қызметі

Қазақстандық интернет кеңістікті дамыту

Құрылды

21 қаңтар 2009 жыл (алғаш құрылды)
2022 жыл (қайта құрылды)

Жабылды

2019 жыл

Бұрынғы атауы

Қазконтент (2009-2019)

Құрушы

Қазақстан Үкіметі

Орналасуы

 Қазақстан, Астана қаласы, Қабанбай батыр даңғылы, 17

Басты адамдары

Айна Задабек (Басқарма төрайымы)

Саласы

Интернет, Ақпараттық технологиялар, Медиа

Басшы компания

100% акциясын Мәдениет және ақпарат министрлігі басқарады

Сайты

qcontent.kz

Тарихы

өңдеу

«Қазконтент» АҚ 2009 жылдың 21 қаңтарында «Зерде» Ұлттық ақпараттық-коммуникациялық холдингінің еншілес кәсіпорны болып құрылды.[2] Аталмыш қоғамның құрылуы мемлекеттің Интернет желісіндегі қазақстандық сегментті қалыптастыру мен дамыту бойынша стратегиялық міндетін жүзеге асырумен байланысты. Жаңа технологиялар мен инновациялардың көмегімен қолданушыларға сапалы контент ұсынып, қазнеттің дамуына мүмкіндіктер туғызу.[3] 2009 жылдың ақпан айында алғашқы жоба - kaztube.kz іске қосылды. Ал наурыз айында bnews.kz ақпараттық агенттігі құрылды.[4] 2010 жыл қараша айында baq.kz ақпараттық агенттігі жұмысын бастады. 2011 наурыз айында Қазконтент негізінде ҚР Премьер-министрінің ресми сайты ашылды. Сондай-ақ ilike.kz әлеуметтік желісі пайдалануға берілді. Компания Қазақша Уикипедия дамуына үлес қосып келеді. 2011 жылы Уикимедия қоры кеңесінің төрағасы Тинг Чен мырза «Қазконтент» АҚ компаниясына Уикипедия контентінің қазақ бөлімін толықтыруда көмек қолын созғаны үшін ресми түрде алғысын білдірді.[5] Осы жылы Қазнеттің эмблемасын әзірлеуге байқау жариялады.[6] 2012 жылы қараша айында компания акцияларын иемдену және пайдалану құқығы ҚР Мәдениет және ақпарат министрлігіне берілді. 2013 жылдың қаңтар айында strategy2050.kz арнайы веб-порталы іске қосылды. Сол жылы Қазконтент америкалық McAfee компаниясымен меморандумға қол қойды.[7] Желтоқсан айында әдеби шығармаларды қолданушыларға ұсынатын adebiportal.kz сайты құрылды.[8] «Казконтент» АҚ «Қаламгер Азамат» жас журналистердің V республикалық форумын өткізді.[9] 2014 жылдың сәуір айында Қазконтент акцияларын басқару ҚР Байланыс және ақпарат жөніндегі агенттігіне өтті. Акционерлік қоғамның 100 пайызы Қазақстан Республикасы Инвестициялар және даму жөніндегі министрлігіне тиесілі.

2019 жылы «Қазконтент» АҚ «ҚазАқпарат» халықаралық ақпарат агенттігі» ЖШС құрамына қосылып, «ҚазАқпарат» халықаралық ақпарат агенттігі» акционерлік қоғамы болып қайта құрылды («Мемлекеттік мүліктің кейбір мәселелері туралы» Қазақстан Республикасы Үкіметінің 2019 жылғы 27 тамыздағы № 631 қаулысы).

2022 жылы «ҚазАқпарат» халықаралық ақпарат агенттігі» акционерлік қоғамы «Qazcontent» акционерлік қоғамы болып қайта аталды.

Құрылымы

өңдеу

«Qazcontent» АҚ басқару органы Директорлар кеңесі болып табылады. Атқарушы орган – басқарма. Ағымдағы қызметке басшылықты «Qazcontent» АҚ Басқарма төрағасы жүргізеді.[10]

Директорлар кеңесінің құрамы

өңдеу
  • Искаков Канат Жумабаевич - ҚР Мәдениет және ақпарат вице-министрі
  • Қорғанбаева Мадина Тұрғамбекқызы - тәуелсіз директор
  • Акишева Нуркамила - тәуелсіз директор
  • Райымбеков Жанат Темиргалиевич - тәуелсіз директор[11]

Басқарма мүшелері

өңдеу
  • Айна Задабекқызы Задабек - «Qazcontent» акционерлік қоғамының Басқарма төрайымы
  • Муслим Мурадымович Базарбаев - Басқарма төрайымының орынбасары[12]

Компания жобалары

өңдеу

BaigeNews.kz

өңдеу
  • baigenews.kz сайты — бұл ҚР Президентінің «Тыңдайтын мемлекет» тұжырымдамасы аясында өз қызметін жүргізетін мемлекеттік БАҚ. 2009 жылдың наурыз айында іске қосылғаннан 2019 жылға дейін "Bnews.kz" деген атаумен жұмыс істеді. Мұнда саясат, оқиғалар, сыбайлас жемқорлық, скандалдар, таблоидті материалдар және т.б. туралы материалдар бар. Жаңалықтар орыс тілінде қолжетімді.

Baq.kz

өңдеу
  • baq.kz — Қазақстан мен әлемдегі оқиғаларды сараланған және шынайы түрде жедел жариялайтын мультимедиялық ақпарат агенттігі. 2010 жылдың қараша айында іске қосылды. Жаңалықтар қазақ тілінде қолжетімді.

El.kz

өңдеу
  • el.kz ақпарат агенттігі — Қазақстандағы маңызды жаңалықтарды 24/7 режимінде шұғыл тарататын ақпараттық портал. 2012 жылы іске қосылды. Жаңалықтар қазақ, орыс, ағылшын тілдерінде қолжетімді.

Primeminister.kz

өңдеу
  • primeminister.kz — ҚР Премьер-министрінің ресми сайты. 2012 жылы іске қосылды. Портал — ҚР Үкіметі, Премьер-Министрінің қызметі туралы ресми ақпараттарды жариялайтын Қазақстан Үкіметі басшысының ресми ресурсы. Қазақ, орыс, ағылшын тілдерінде қолжетімді.

Adebiportal.kz

өңдеу
  • «Әдебиет порталы» — отандық және әлемдік классикалық әдеби шығармалар мен түрлі жанрдағы әдеби мақалалар жинақталған бірегей платформа. 2013 жылы іске қосылды. Портал қазақ, орыс, ағылшын тілдерінде қолжетімді.

E-history.kz

өңдеу
  • «Қазақстан тарихы» интернет-жобасы — отандық тарихымызды насихаттауға бағытталған еліміздің тарихы туралы сапалы ақпараттар жариялап отырады. 2013 жылы қыркүйекте іске қосылды. Портал қазақ, орыс, ағылшын тілдерінде қолжетімді.

Ruh.kz

өңдеу
  • ruh.kz ақпараттық-танымдық порталы — интеллектуалды, мәдени және рухани бағыттағы тақырыптарды қамтитын жастарға арналған интернет платформа. 2017 жылы «Рухани жаңғыру» бағдарламасы аясында іске қосылған. Портал қазақ тілінде қолжетімді.

Бұрынғы медиа активтері

өңдеу
Assembly.kz
  • assembly.kz — Қазақстан халқы Ассамблеясының корпоративті сайты. Барлық ақпараттық материалдар қазақ, орыс және ағылшын тілдерінде берілген. Ол 2020 жылдан бері Қазақстан халқы Ассамблеясының ақпараттық-танымдық «el.kz» интернет-порталымен бірлескен жобасы болып табылады.[13]
Kaztube.kz
  • «kaztube.kz» видео-порталы 2009 жылдың ақпан айында іске қосылды. 2022 жылы ол Президент телерадиокешенінің басқаруына өтті. 2024 жылдан бері бұрынғы «Kaztube.kz» порталының мекенжайында mediabase.kz сайты (Президент телерадиокешенінің медиа архиві) жұмыс істейді.
Strategy2050.kz
  • «strategy2050.kz» ақпарат агенттігі 2013 жылы ҚР Президентінің «Қазақстан-2050» стратегиясын насихаттау мақсатында құрылды. Қазақ, орыс және ағылшын тілдерінде материалдар жарияланып тұрды. 2021 жылы портал жұмысын тоқтатты.
Sanamaq.kz
  • «sanamaq.kz» — «SANAMAQ» балаларға арналған танымдық порталы.
Academia.kz
Webpress.kz
  • «Webpress.kz» — баспа бұқаралық ақпарат құралдарының ұлттық агрегаторының порталы

Басшылары

өңдеу
"Қазконтент" АҚ басқарма төрағалары
  1. Азамат Омаров (2009-2010)
  2. Әлтайыр Уызбаев (2010-2012)
  3. Айдос Қыдырма (2012-2016)
  4. Асқар Ахметов (2016-2017)
  5. Евгений Кочетов (2017-2018)
  6. Думан Қожахметов (2018-2019)
"ҚазАқпарат" Халықаралық ақпарат агенттігі" АҚ басқарма төрағалары
  1. Асқар Омаров (2020-2021)
  2. Елдос Нәшірәлі (2021-2022)
"Qazcontent" АҚ басқарма төрағалары
  1. Елдос Нәшірәлі (2022)
  2. Бекзат Жүсіпов (2023-2024)
  3. Айна Задабек (2024-)

Тағы қараңыз

өңдеу

Сыртқы сілтемелер

өңдеу

Дереккөздер

өңдеу
  1. ↑ Компания туралы
  2. ↑ http://www.afn.kz/attachments/emi/stocks/A5737/stocksA5737$-$3451$-$..pdf Мұрағатталған 19 тамыздың 2014 жылы.
  3. ↑ http://www.resurs.kz/catalog/kzcontent
  4. ↑ http://kzcontent.kz/index.php/kompaniya-turaly.html
  5. ↑ http://bnews.kz/kk/news/post/52820/ Мұрағатталған 11 қарашаның 2014 жылы.
  6. ↑ http://bnews.kz/kk/news/post/52052/ Мұрағатталған 12 қарашаның 2014 жылы.
  7. ↑ http://bnews.kz/kk/photonews/post/144270/ Мұрағатталған 12 қарашаның 2014 жылы.
  8. ↑ http://bnews.kz/kk/news/post/159844/ Мұрағатталған 12 қарашаның 2014 жылы.
  9. ↑ http://bnews.kz/kk/photonews/post/160947/ Мұрағатталған 12 қарашаның 2014 жылы.
  10. ↑ Директорлар кеңесі
  11. ↑ Директорлар кеңесі
  12. ↑ Басқарма
  13. ↑ Қазақстан халқы Ассамблеясының корпоративті сайты
«https://kk.wikipedia.org/w/index.php?title=Qazcontent&oldid=3377628» бетінен алынған