Times New Roman
Times New Roman — кертпелері бар қаріп және гарнитура. Қаріпті 1931 жылы суретші Виктор Лардент британдық «Таймс» (The Times) газеті үшін жасап шығарды. Қаріп Монотип компаниясынң Англиядағы өкілі, типограф Стенли Морисонның «Таймс» газетінің нашар баспасы мен типографкасын сынға алғаннан кейін пайда болды.
Қаріп бойынша жұмысты Морисон басқарды, ал Таймс газетінің жарнама бөлімінің суретшісі Виктор Лардент қаріптің суретін салды, ал қаріптің ақырғы нақтылау жұмыстарын Монотип компаниясы жасады. Қаріпті салған кезде Морисон «Plantin» атты ескі қаріпті негіз етіп алды, алайда мәтіннің оқылуын жеңілдету мен кеңістікті үнемдеу мақсатында өзгерістер енгізілді. Жаңа қаріппен терілген Таймстың жаңа саны 1932 жылы 3 қазанда жарық көрді. Бір жыл өткен соң қаріп коммерциялық қолданыс үшін сатылымға шықты. Таймс газеті Times New Roman қаріпін 40 жыл қолданыды, бірақ жаңа өндірістік техника мен таблоид форматының өзгеруіне байланысты 2004 жылға дейін газеттің қаріпі 5 рет өзгеріске ұшырады. Алайда жаңа қаріптердің барлығы New Roman-ның нұсқалары болып табылады.
Таймс газетінде ұзақ қолданылмаса да, Times New Roman кітап типографиясында, әсіресе Қазақстан, Ресей, АҚШ-та жиі қолданылады. Мұның басты себептерінің бірі қаріп Micrisoft компаниясынің өнімдермен бірге таратылады, нәтижесінде Times New Roman адамзат тарихыдағы ең жиі қолданылатын қаріптердің бірі болып табылады.
Қолданылуы
өңдеуTimes New Roman әлем бойынша көптеген газеттерде қолданылады. Сонымен қатар:
- қаріп Microsoft корпорациясының Microsoft Windows операциялық жүйесінде 3.1 нұсқасында қолданылады[1] және қаріп Microsoft Windows ОЖ-не арналған бағдарламаларда, мәтін процессорларында және интернет браузерлерде негізгі ретінде қолданылады (Microsoft Office 2007 бағдарламасында негізгі қаріп Calibri болып өзгертілгенше).
- Линотайп компаниясының Times Roman қаріпі Apple Mac OS X ОЖ-нде негізгі кертпесі бар қаріп ретінде қолданылады, ал Монотайптың Times New Roman қаріпі Mac OS X ОЖ-нің тек соңғы нұсқасында ғана негізгі болып орнатылған.[2]
- 2004 жылдың 1 ақпанынан бастап АҚШ-тың барлық дипломатиялық құжаттары 12-ші кегльді Courier New орнына 14-ші кегльді Times New Roman қаріпімен терілетін болды[3][4].
Дереккөздер
өңдеу- ↑ Times New Roman - Microsoft Typography. Тексерілді, 6 қаңтар 2012.
- ↑ Mac OS X 10.5: Fonts list (15 мамыр 2008). Тексерілді, 5 желтоқсан 2010.
- ↑ 5 FAH-1 H-620 Preparing Diplomatic Notes (PDF). U.S. Department of State Foreign Affairs Handbook. U.S. Department of State (1 тамыз 2007). Тексерілді, 18 сәуір 2008.
- ↑ 5 FAH-1 Change Transmittal CH-10 (PDF). U.S. Department of State Foreign Affairs Handbook. U.S. Department of State (19 қаңтар 2005). Тексерілді, 18 сәуір 2008.