«Totally Spies!» - француз жандандыру студиясы «Marathon Media»-ның мультипликациялық сериалы. Жанрлары: комедия, отбасылы, боевик, фантастика. Режиссёрлері: Стефан Берри, Паскаль Жардин. Қалаушысы: Венсан Шалвон-Демарси Давид Мишель. Рөлдерді дыбыстаған: Андреа Бейкер, Дженнифер Хейл, Кэти Гриффин, Кэти Ли, Джесс Харнелл, Стиви Вэлланс, Дэррил Курило, Скотт Боуден, Ди Брэдли Бейкер, Келли Шеридан, Эйдриан Трасс, Дэниел Десанто, Сэмуел Винсент, Майкл Гоф, Дуэйн Хилл, Кэтлин Ласки, Скотт Бодин. 3-5 сезондары Франция және Канада елдерінде шықты. Бүкіл сериалдың 156 сериасы жарық көрді. Ал әр сериасының ұзақтығы – 22 минут. Жалпы Ресей Федерациясында Fox Kids Россия, Jetix Россия, ТНТ, Nickelodeon Россия арналарында көрсетілді. Ол Беверли-Хиллзте (Калифорния, AҚШ) өмір сүретін 3 адал тыңшы достар туралы баяндайды. 3 жасөспірім Джерри басқаратын WOOHP мекемесінің жасырын тыңшылары рөлін атқарады. Кловер, Алекс және Сэм өзінің Беверли-Хиллз мектебінің жоғары сыныптарының қарапайым оқушысы өмірін және шопинг пен кездесулерді тыңшы өмірімен қиыстыруға міндетті. Сериалдың 5-інші сезонында қыздар мектепті бітіріп, Малибу университетінде оқиды. Бар болғаны 26 сериядан тұратын осы сериалдын 6 сезоны шықты.

Басты кейіпкерлер өңдеу

Саманта Симпсон немесе «Сэм» өңдеу

Жасыл көзді, жирен шашты қыз. Жасыл түсті тыңшы костюмін киеді. Топтың ішінде ең ақылды және жауапкершілікті болып табылады. Анасы — Гебби (Гэбриел атының қысқаша түрі). Анасына аунымайды.

Кловер Мэйсон өңдеу

Көзі көгілдір, шашы ашық түсті қыз. Қызыл түсті тыңшы костюмін киеді. Өте ғашық болғыш және сәнқұмар. Анасының аты — Стелла. Өзінің жан достары Алекс және Сэммен бірге түрлі ойын-сауық центрлерді, спа-салондарды, киім сататын шағын дүкендерді аралауды ұнатады. Өзінің сыныптасы Мэндиге жеккөрушілікпен қарайды. Нәркес өсімдігіне аллергиясы бар. Вегетерианшыл.

Александра Хьюстон немесе «Алекс» өңдеу

Қысқа қара шашты, боб-каре қырқулы қыз. Спортпен белсене айналысады, мінезі ашық, аққөңіл. Сары түсті тыңшы костюмін киеді. Ол да Сэм мен Кловер секілді ойын-сауық центрлерді, спа-салондарды және киім сататын шағын дүкендерді аралауды жақсы көреді, бірақ солай да тхэквандо, каратэмен шұғылдануды ұнатады. Анасының есімі — Кармэн. Мысық пен теңіз өніміне аллергиясы бар. Уинки атты үй жануары бар.

Сілтемелер өңдеу