Аалто Хуго Алвар Хенрик
Аалто Хуго Алвар Хенрик (Aalto, (Hugo) Alvar (Henrik) (3 ақпан, 1898) Финляндия, Ресей империясы– 11 мамыр 1976, Хельсинки), фин архитекторы және дизайнері. Хельсинкидегі техникалық институтты тәмамдап, 1925 жылы әріптесі Айно Марсиоға үйленген. Оның стилі жаңашылдығымен, яғни жергілікті материалдарды (әсіресе ағашты) шебер, айрықша мәнермен қолдануымен ерекшеленеді. Оның жаңашыл стильдегі туындыларында ұлттық нақыштар еркін көрініс тапты. Бұл әсіресе Сайнатсалодағы қалалық жиын өткізілетін (1950-52), қызыл кірпіш және ағаш пен мысты қолдана отырып жасаған қарапайым пішіндегі ғимарат көрінісінен айқын байқалады. Әлемдегі ең танымал жаңашыл архитекторлардың бірі саналады. Оның иілген, көп қатпарлы ағаштан жасап шығарған жиһаздары дүниежүзіндегі әр үйдің төрінен орын алуда.
Пайдаланылған әдебиеттер өңдеу
| Бұл мақаланы Уикипедия сапа талаптарына лайықты болуы үшін уикилендіру қажет. |