Абайдың идеялық-мәдени мұрасы (мақала)

«Абайдың идеялық-мәдени мұрасы» ( « Идейно - культурное наследство Абая»), Мұхтар Әуезовтің мақаласы. «Казахстанская правда» газетінің 1939 жылғы 23 маусымдағы санында жарияланған. Шығарма «Идейно-культурное искания Абая» деген атпен сол жылы «Литература и искусство Казахстана» журналының 7-санында, кейін осы тақырыппен Әуезовтің «Мысли разных лет» кітабында (1961) жарияланды. Газеттік нұсқасы «Абайдың идеялық-мәдени мұрасы» деп аталғанымен, журналдағы «Абайдың идеялық-мәдени ізденістері» атты мақала мазмұнымен бірдей, тек сөйлемдерде кейбір сөздер басқа сөздермен ауыстырылып келтірілгені болмаса, екі мақала түгел дерлік бір мәтін негізінде жарияланған.