Абайдың шығармашылық өмірбаяны

«Абайдың шығармашылық өмірбаяны» («Творческая биография Абая») - «Ғылым» баспасынан 1957 ж. орыс тілінде жарық көрген монография. Авторы - М. С. Сильченко. Кітап «Абайдың алғашқы өлеңдері және оның қоғамдық қызметінің басталуы», «Қазақтың халықтық лирикасы және Абай», «Абайдың реализмге бет бұруы», «Сыншыл реализм поэзиясы», «Абайдың соңғы жылдардағы шығармаларының реалистік ерекшеліктері», «Сын, көсемсөз, тарихи жазбалар» атты тарауларға бөлініп, Абайдың бүкіл шығармашылық мұрасы жан-жақты қарастырылған. Монографияда Абайдың қоғамдық аласы саяси, әдеби-тарихи көзқарастарының қалыптасу процесі, оның реалистік шеберлігі қазақтың халық поэзиясымен, орыстың демократиялық әдебиетімен және Шығыс классиктері шығармаларымен нақты ғылыми негізде салыстырыла отырып көрсетіледі. Көлемі 18,3 б. т., 5 900 дана болып басылған.