Абай алаңы

Абай алаңы — Алматы қаласының экономикалық және әлеуметтік Мәдени өмірінде ерекше орын алатын аса ірі магистраль, тоғыз жолдың торабы, Ленин даңғылы мен Абай даңғылының қиылысқан жерінде орналасқан. Алаң қазақ халқының ағартушы ұлы ақыны Абай Құнанбаевтың құрметіне аталған. 1960 ж. алаңда Абайға ескерткіш орнатылды. Гранитпен көмкерілген Һауіздер, гүлзарлар бар. Республика сарайы, көп қабатты «Қазақстан» қонақ үйі, «Арман» кинотеатры, ғылыми-ағарту мекемелерінің ғимараттары, аспалы жол ст. т. б. құрылыстар Абай алаңына айырықша көрік берген.