Абай жолы (мақала)

«Абай жолы» («Путь Абая»), Мұхтар Әуезовтың шағын мақаласы. «Литературная газетада» 1954 ж. 13 қарашада шыққан. Газеттің бұл нөмірінде Косо­гор металлургия зауыты жүмысшыларының «Ли­тературная газетада» сол жылдың 10 тамызында басылған «Чего мы ждем от наших писателей» атты хатына жауап ретінде Мұхтар Әуезов пен Б. Полевойдын жауаптары берілген. Металлургтардын хаты үлкен резонансқа ие болып, баспасөзде көп талқыланған. Хат 50-жылдардағы үкіметтің идеологиялық тапаптарын алға шығару мақсатында жазылғаны анық байқалады. Хатта КСРО жазушыларының көптеген шығармалары ауызға алынған, жоғары баға берілген шығармалардың бірі Мұхтар Әуезовтің «Абай» романы. Мақаладағы романнын 4-кітабын біткені, енді біздің заманымызға дейінгі уақытты қамтитын кең көлемді эпопея жазу ойында бар екені туралы айтқандары Мұхтар Әуезовтің шығармашылық лабораториясынан біршама хабар-береді. Әңгіме кейбір деректерде 5 том етіп, кей деректерде 7 том етіп жоспарланған «Өскен өркен» романы жайында болып отыр. Мақала суреткердің халық колдаса, шығармашылық еңбек те жемісті бола түседі де­ген ойымен аяқталған.