Абай шығармаларының тілі

«Абай шығармаларының тілі» -«Ғылым» баспасынан 1968 ж. жарық көрген монографиялық еңбек. Авторы - Р. Сыздықова. Кітап алғы сөзден, көлемді 3 тараудан, қорытындыдан және библиографиядан турады. Ғалым еңбегінде Абай шығармалары тілінің сөздік құрамы мен грамм, ерекшеліктерін жан-жақты қарастырады. Қазақ әдеби тілінің 19 ғ-дың 2 жартысындағы жай-күйіне, ондағы Абайдың орны мен еңбегіне баға береді. Қазақ тілінің ақын қолданған байырғы төл сөздерімен бірге, Абай мұрасында кездесетін араб-парсы, орыс сөздеріне тоқталады. Ұлы қаламгердің өзі қосқан немесе жандандырған жаңа сөздерге зер салады. Ақын поэзиясы тілінде, әсіресе прозасында кездесетін кейбір грамм, тұлға-тәсілдерге талдау жасайды. Еңбек тіл білімі мамандарына, әдебиетшілерге, студенттерге арналған. Көлемі 18 баспа табақ, 2 мың 750 дана болып басылған.