Абдолла Жармұхамедов

Жармұхамедов Абдолла (13.11.1896, Қарақоңыр ауылына карасты Есқара елді мекені — 1940) — қоғам кайраткері. 1913 жылы Самарқаңдтағы училищені бітірген. 1913—16 жылы Қаттақорған уездік басқармасына хат-қағаз көшіруші, тілші-аудармашы, 1916—19 жылы уезд орталығы милиция басқармасының бастығы, 1919—23 жылы Қаттақорған уездік төтенше Комиссариатының төрағасы, 1923—26 жылы Түркістан АҚСР-і ішкі істер халкомының орынбасары, 1926—28 жылы Тәжік АССР-інің ішкі істер комиссары, т.б. жауапты қызметтер атқарған. Үш мәрте "Еңбек Қызыл Ту" орденімен марапатталған (1923; 1924; 1928).