Абрис
- Абрис (нем. Abrіb — сызба) — жер бетінің бедерін қағазға түсіру кезінде сұлба түрде салынатын сызба.[1] Мұнда түсірілетін аумақтың, ондағы объектілердің нобайы, өлшеу нәтижелері, бедер элементтері т.б. мәліметтер көрсетіледі. Абрис екі түсірім сызбаларын қамтиды. Теодолитті (горизонталды) түсірімнің абрис — тірек пункттердің, сызықтардың және түсірілетін объектілердің өзара орналасуын көрсететін сызба болса, ал тахеометрлік (биіктік) түсірімнің абрисі — өлшеу станциялары мен қада нүктелерінің өзара орналасуы аралығындағы реттік нөмірі көрсетілген сызба. Онда жердегі біркелкі еңіс бағытының қосылып, бедердің негізгі қаңқасы жасалынады. Абристі пайдалану арқылы жер бетінің дәл және толық нобайы кескінделеді.
- Абрис- жергілікті жердің кез келген бөлімшесіндегі өлшемдер мен қажетті түсінік, жазба деректер көрсетілген нысандардың сызықпен берілетін кескіні - дәл геодезиялық түсіру жұмыстары кезінде сұлба түрінде жасалатын бір жердің планы. Жер бетін топографиялық тусірудің кейбір әдістерін (мысалы, теодолитпен) қолдану арқылы жасалады, Дәл топографиялық пландарды жасау кезінде, сондай-ақ аэротүсіруде геодезиялық торап нүктелерін танып айыруға пайдаланылады.[2]
- Абрис - құрылыс салынатын жердің ара катынастарының сүлбеленген жоспары, сырткы жалпы көрінісі, тұрпаты.[3]
Дереккөздер
өңдеу- ↑ Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х
- ↑ Қазақ тілі терминдерінің салалық ғылыми түсіндірме сөздігі: География және геодезия. — Алматы: «Мектеп» баспасы, 2007 жыл. — 264 бет. ISBN 9965-36-367-6
- ↑ Орысша-қазақша түсіндірме сөздік: Механика / Жалпы редакциясын басқарған э.ғ.д., профессор Е. Арын — Павлодар: «ЭКО» ҒӨФ. 2007 жыл.-29 1 б. ISBN 9965-08-234-0
|
Бұл — айрық бет. Көп мағыналы термин сұралғанда, оның мағыналарын ажыратып, қолданушыны тиісті мақалаға бағыттау үшін жасалған. Қандай да бір ішкі сілтеме осы бетке бағыттаса, сілтемені өзгертіп, тиісті бетіне тікелей сілтейтін қылып өзгертіңіз. |