Абыралы Мырзабаев

Абыралы Мырзабаев (1827-1918), Абай елінің адамы. Абайдың «Абыралыға» деген өлеңі бар. Абайдың інісі Ысқақ Құнанбаев болыстық құрғанда, Абыралы 6 жыл оның кандидаты болған. Өзі оқымаған адам болса да ораза-намаздан қалмаған. Содан барып «Абыралыға» деген өлеңі туған. Абыралының бейіті «Қосқудық» деген жерде. Әуезов:

«Абайдың біртіндеп өсуіне қонымды, сыйымды тек Абай ғана айтарлық өлеңдер болса, неге беземіз? «Абыралыға», «Сап-сап көңілім», «Тайға міндік», «Жарк етпес» Абай жазуға лайық емес деп кім айта алады. Осылардан реалист сатирик болатын сыншы, ойшыл Абай көрініп тұрған жоқ па? «Абыралыға» тіпті қызық, «пошел» деген орыс сөзімен Құран аятын араластыра мысқылдайды, богохульство... бұны да Абай ғана айта алады»

деген («Абайтанудан жарияланбаған материалдар», 47-бет).[1]

ДереккөздерӨңдеу

  1. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601- 282-175-8