Авиаспорт клубы

Авиаспорт клубы - Аэро-клуб, 1936 жылы Орал қаласында авиация кадрларын даярлау үшін құрылған. 1950 жылы авиация спортшыларын даярлайтын клубқа айналды. Жаттығу сабақтарына «ПО-2» ұшағы мен калқыма ұшақтар пайдаланылды. Ұлы Отан соғысының басталуына байланысты 1941 жылы өз жұмысын тоқтатты. 1936-41 жылы кубта 350 ұшқыш даярланды. Олардың арасынан Л.Беда, И.Куличев, АЛурилин, К.Малин, Ф.Шагалеев сынды Кеңес Одағының Батырлары шықты. Осы клубта қазақ қыздары арасынан алғаш шыққан ұшқыш Х.Доспанова ұшу шеберлігіне жаттықты, ол Ұлы Отан соғысы кезінде Кеңес Одағының Батыры М.Раскованың полкінде штурман болды. Құрылған уақытынан бастап аэро-клубта мыңға жуық қалқыма ұшақ спортшысы, 5 мыңнан аса парашют спортшысы даярланды.