Авимим

Авимим — биіктігі — 45 см, ұзындығы 1,5 м болатын шағын денелі динозавр. Бір қызығы, оның бассүйегі денесіне қарағанда кішкентай, есесіне, миы мен көздері үлкен болған екен. Тістері мүлдем болмаған. Тек қана тотықұстікіне ұқсайтын үшкіл жақ сүйектері мен тіссіз тұрмығына қарап авимим шөппен қоректенген немесе тамақ талғамаған деген болжам жасай аламыз. Курзанов есімді палеонтолог авимимді бунақденелі жәндіктермен қоректенді деп есептейді.

Авимим

Қызықты дерек

• «Авимим» атауы «құсқа еліктегіш» деген мағынаны білдіреді.
• Ол — сағатына 64 шақырым жылдамдықпен жүгіре алатын, түйеқұс секілді жүйрік динозавр.
• Авимим — жетілген теропод, оның ақылы басқа динозаврларға қарағанда жоғары болған.

Мәліметтер

• Қорегі : жапырақтар, жемістер, өсімдіктер
• Салмағы : 15 келі
• Тұқымдас : Авимимид
• Отряд тармағы : Теропод