Автоматты желі

Автоматты желі (орыс тілінде автоматическая линия) — өндіріс өнімін не оның бір бөлігін дайындаудың немесе өңдеудің бүкіл процесін белгілі бір технологиялық кезекпен не ырғақпен автоматты түрде орындайтын машиналар жүйесі, негізгі және қосымша жабдықтар кешені. Автоматты желілер арнаулы (белгілі бір өнім түрлерін өндеуге арналған), мамандандырылған (параметрі белгілі бір диапазон ішіндегі бір типті өнімдерді өндеуге арналған) және әмбебап (бір типті өнімдердің көптеген түрлерін өндеуге арналған) болып бөлінеді. Автоматты желілер тамақ өнеркәсібінің көптеген салаларында, мысалы, нан, макарон, кондитер және т.б. өнімдерді өндіруде пайдаланылады. Жұмыс істеу реті бойынша автоматты желі толық және жартылай автоматтандырылған болып бөлінеді. Өндіріс процестерінің бір бөлігін орындау үшін (мысалы, кейбір агрегаггарды іске қосу және тоқтату, өңделген енімді бекіту не ауыстыру) адамның тікелей қатысуы керек болатын желілер жартылай автоматты желілер деп аталады.

Дереккөздер

Қазақ тілі терминдерінің салалық ғылыми түсіндірме сөздігі