Адасхан Алтаев

Адасхан Алтаев (1920, Балтакөл ауылы — 2.10.1989, сонда) — өлкетанушы, ұстаз. 1961 жылы ҚазМУ-ді бітірген. 1937—80 жылы Балтакөл аулында педагогикалық қызмет атқарған. 1958 жылы мектеп-интернат жанынан өлкетану музейін ашып, 3000 дана жәдігер жинаған. Мұнын құнды бір бөлігі — ортағасырлық монеталар (7— 14 ғасырлар) жиынтығы (447 дана) Түркістан, Отырар, Шаян елді мекендерінің музейлерінде сақтаулы. 1975 жылдан халық арасында ұмыт бола бастаған саятшылықты қайта жандандыруға күш салған. Алтаевтың өлке тарихына қатысты бірнеше танымдық мақаласы жарық көрген. "Еңбек Қызыл Ту" орденімен (1970), бірнеше медальмен марапатталған.