Аджип Қазақстан Норт Каспиан Оперейтинг

Аджип Қазақстан Норт Каспиан Оперейтинг (АККО) - теңіз айдынында мұнай операцияларымен (барлау, игеру, өндіру, тасымалдау) айналысатын шетелдік компания. Құрылтайшылары - Eni-Agip, British Gas, Exxon Mobil, Тотальфина, Shel, Phillips, Inpex. Алғашқы құрылтайшылары халықаралық консорциум мүшелері "Каспийшельф" Agip, British Gas, Exxon Mobil, Тотальфина, Shel және "Қазақстанкаспийқайраң" акционерлік қоғамы болатын, олардың әрбіреуінің Солтүстік Каспий жобасында 1/7 үлесі болды. Кейінірек Қазақстан өз үлесін Phillips, Inpex компанияларына сатты. 1997 жылдың 18 қазанында Қазақстан Республикасы Үкіметі мен қурылтайшылардың (мердігерлердің) арасында жасалған өнімді бөлісу келісімінің 12.1 бабына сәйкес, компания мердігердің операторы бола отырып, сол мердігер атынан әрекет етеді, оның бүкіл құқықтары мен өкілеттілігін иеленеді және міндеттемелері бойынша жауап береді. Компания Қашаған (Қайраң, Ақтоты блоктары), Қаламқас, Оңтүстік-Батыс және Шығыс Қашаған кенорындарында мұнай мен газға деген геологиялық барлау жумыстарын жүргізеді.")