Адриенна Лекуврер
Адриенна Лекуврер (1692 жыл 5 сәуір, Дамери - 1730 жыл 20 наурыз, Париж) - француз актрисасы.
Өмірбаяны өңдеу
Қолөнершінің отбасында туды. Парижде актер Леграннан декламация бойынша сабақ алды. Осыдан кейін провинцияларда қызмет етті. 1717 жылдан «Комеди Франсез» (Париж) театрында ойнады. Таңдаулы рөлдері: Эмилия, Корнелия (Корнельдің «Цинна» мен «Помпейдің қазасында»), Федра (Расиннің осы аттас пьесасында), Анжелика (Мольердің «Джордж Данденінде») т.б. Шығармашылығы реалистік өнерге жақын болды. Сахналық костюмнің қарапайымдылығына ден қойды. Оның өнері ағарту классицизмінің актерлеріне жол салды.[1]
Дереккөздер өңдеу
- ↑ Қазақ Совет Энциклопедиясы, Алматы, 1975ж., 7 том