Азаматтық бастама

Азаматтық бастама - билік органдарының азаматтардың қандай да бір мүдделерін шектеп, қысым жасау әрекетіне қарсы шығу немесе өзара көмек жасау үшін ұйымдастырылған ұжымдық белсенділіктің, азаматтық бастамашылықтың көрінісі. Ол әртүрлі саяси-әлеуметтік мәселелерді шешу мақсатында азаматтардың өз еріктерімен құрылады. Оған ұйытқы болған азаматтық топтар, бастама көтерушілер әртүрлі жиындар, шерулер ұйымдастырып, қол жинап, үнпарақтар таратып, барынша көп жақтастарды өздеріне тарту арқылы билік басындағыларға қысым көрсетуге тырысады. Азаматтық бастамаларда көтерілген мәселелер өз шешімін таппаса, ол ірі демократиялық қозғалысқа ұласуы әбден мүмкін.