Айгерім Алтынбайқызы Сәрсенбаева

Айгерім Алтынбайқызы Сәрсенбаева (6 қыркүйек 1988, Тереңөзек, Қызылорда облысы) — Қоғам қайраткері, Ел жанашыры, логопед-дефектолог, практик, логопедиялық және дефектологиялық оқулықтардың, лого әндердің авторы.

Айгерім Сәрсенбаева
Туған күні	6 қыркүйек 1988 (1988-09-06) (36 жас)
Туған жері	Тереңөзек, Қызылорда облысы
Азаматтығы	Қазақстан
Ұлты	қазақ

Өмірбаяны

1995-2004 ж. аралығында №35 Иса Тоқтыбаев атындағы орта мектепте білім алған.

2004-2007 ж. аралығында М.Мәметова атындағы гуманитарлық колледжде «3 жастан 10 жасқа дейінгі балаларға білім беру» мамандығы бойынша білім алған.

2007-2010 ж. аралығында Қазақ Мемлекеттік Қыздар педагогикалық университетінде «Дефектология» мамандығы бойынша «бакалавр» академиялық дәрежесін алды.

2010-2012 ж. аралығында осы университетте, осы мамандық бойынша «магистр» академиялық дәрежесін иемденді.

Ең алғаш Қызылорда қаласындағы «Болашақ» университетінде, бір жылдан кейін Қазақ мемлекеттік Қыздар педагогикалық университетінде дефектолог қызметін атқарған. Кейін бұл саланы тереңірек зерттеу үшін әртүрлі күрделі диагнозы бар балаларға арналған «Кеңес» орталығында қызмет атқарған.

Қазіргі таңда, өзінің «Сөйлеу және мінез-құлықты түзету және дамыту» орталығында балаларды қабылдап, ата-аналарға кеңес береді. Және де логопед-дефектолог мамандарға және мүмкіндігі шектеулі балалардың ата-аналарына практикалық курстар өткізеді

Марапаттары

• «Алтын адам - 2022» номинациясының иегері.
• «Ел жанашыры» энциклопедиясына еніп, төс белгісін иеленді.
• «300 Қайраткер» энциклопедиясына енді.
• «Алтын жүрек» номинациясының иегері.
• «Намыс» төс белгісінің иегері.
• Құрмет орденінің иегері.
• ҚР Президентінің алғыс хаты иегері.

Жеке өмірі

Тұрмыста. Жолдасы - Рүстем. Ұлдары - Даниэль, Азиз