Айгүл Қуанышқызы Ташенова

Айгүл Қуанышқызы Ташенова 1965 жылы 24 қыркүйекте Гурьев қаласында туған. Қазақ. С.М. Киров атындағы Қазақ мемлекеттік университетінің заң факультетін бітірген (1987). Қазақ және орыс тілдерін біледі. 1987 жылдан- Гурьев облыстық қорғаушылар алқасының қорғаушысы қызметіне сынақ мерзімінен өтуші, қорғаушы. 1992 жылдан - Атырау облысы Балықшы аудандық сотының әкімшілік және атқару өндірісі жөніндегі судьясы. 1993 жылдан - Атырау облысы Балықшы аудандық сотының судьясы. 1997 жылдан - ҚР Әділет министрлігінің Соттардың қызметін ұйымдастыру басқармасы бастығының орынбасары, бастығы. 1999 жылдан - ҚР Әділет министрлігі Департаментінің соттардағы кадрлық жұмыс бөлімінің бастығы. 2000 жылдан - Астана қаласы Алматы аудандық сотының судьясы. 2004 жылдан - Астана қаласы Алматы аудандық №2 сотының төрайымы міндетін атқарушы, 2005 жылдан - сот төрайымы. 2007 жылдың мамыр айынан - Атырау облыстық сотының қылмыстық істер жөніндегі алқасының төрайымы. 2010 жылдың ақпан айынан бері - Атырау облыстық сотының кассациялық сот алқасының төрайымы. «Қазақстан Конституциясына 10 жыл» мерейтой медалімен марапатталған.