Айдар (сөздің мағыналары)

Айдар — 1) адамның төбесіне қойылған шаш. Ертеде қаһарлы күш-қуаттың белгісі тәрізді болған. Айдар қою — моңғол, қытай, маньчжур, қалмақ, украин, түрік тағы басқа халықтарға тән. “Тұлымдысын тұл қылды, айдарлысын құл қылды” (“Қобыланды”).

2) Алған атақ-абыройды білдіретін ұғым (“айдар тағу”). “Әнші қыз деген атақ осы кезде Жібекке айдар болып тағылды” (Ғабиден Мұстафин).

3) Кейбір құстардың төбесінде болатын терімен жалғасқан тәж тәрізді өсінді. Ол көбіне тауық тұқымдас құстарда, Америкада кездесетін кейбір құмайларда болады. Айдардың пішіні әр түрлі келеді, оған қан толғанда қызарады. Көптеген құстардың төбесінде шоқтана өскен қауырсынды да айдар деп атайды. Айдар жыныстық айырмашылықтың бір белгісі.

Дереккөздер:

Қазақ энциклопедиясы I том