Айжігіт Мәмбетұлы Нұрғызарынов

Айжігіт Мәмбетұлы Нұрғызарынов(12.04.1930 жылы, Қызылорда облысы Арал ауданы Қасқақұлан а. – 04.06.2019 жылы, Қызылорда қаласы) – ауыл шаруышылық ғылымының докторы (2008 ж.). Қазақ мемлекеттік ауыл шаруашылық институтын (1955, қазіргі Қазақ ұлттық аграрлық университеті), Бүкілодақтық тыңайтқыштар және агроном. топырақтану ғылыми-зерттеу инстиутының аспирантурасын (1964 ж.) бітірген. Ауыл шаруышылық негіздері кафедрасын басқарды (1965–1972 жж.), Қызылорда қаласындағы Қазақ күріш ғылыми-зерттеу институтында директордың ғылыми жұмыстар жөніндегі орынбасары (1973–1981 жж.), Қызылорда облыстық химия жобалау-зерттеу станциясында бөлім бастығы (1981–1993 жж.) болды. 1993 – 1997 жылдары жылдан Қызылорда гуманитарлық университетінде лаборатория меңгерушісі.Қызылорда мемлекеттік университетінде химия және экология, биология, география және химия кафедраларының профессоры (1998–2019 жж.) болды. Ғылыми  бағыты – Арал өңірінің экол. мәселелері. Ол 100-ден астам ғылыми еңбектің, 7 монографияның, 3 оқулық пен оқу құралының авторы.«Құрмет белгісі» орденімен (1977 ж.), «Ерен еңбегі үшін» (1970 ж.), т.б. медальдармен, «ҚР-ның ғылымын дамытуға сіңірген еңбегі үшін» төсбелгісімен (2006 ж.) марапатталған.

Ғылыми еңбектер

• «Арал өңірінде табиғи-шаруашылық кешенді экологиялық орнықты дамытудың ғылыми негізі» тақырыбында докторлық диссертация қорғады.
• Ғылыми еңбектерінің негізгі бағыты – Арал өңірінің экологиялық мәселелеріне арналған.