Айлакерлік

Айлакерлік — адамның қимыл-әрекеттеріндегі, мінез-құлқындағы амал-айлалары мен әдіс-тәсілдері.

Айлакерлік адамның ақыл-ойымен, мінезіндегі ерекшеліктерімен төркіндес. Ол кісінің өмір тәжірибесінен, білімі мен дүниетанымдық деңгейіне қарай өрістейді. Айлакерлік адамның өмір тіршілігіне пайдалы ықпал етіп, оның тәжірибесі мен іскерлігін дамытуға әсер ететін болса, ұнамды қасиет деп бағаланады. Мұндай қасиет, әсіресе, соғыста өте пайдалы саналған. Айлакерлік алдау, арбау сияқты тәсілдермен ұштасып, қулық-сұмдық, зұлымдық әрекеттерді де білдіреді. Ал, мінездің жағымсыз ерекшеліктерінің өрістеуіне әсерін тигізетін айлакерліктің мұндай түрі мен тәсілі қоғамға зиянды саналады.